بإختصااار شديد,, انا اشتريت بي ام 740 2009 الجديدة
طبعا من اول يوم طلعتها من الوكالة اختربت ووقف كل السستم اللي فيها ماطالع يشتغل شي ابدا
وبعدين تبند في الخط وما تشتغل واضطر اشحنها للعين
الوكالة تجهل سبب العطل ورفضت تبديل السيارة لانهم حرامية الله لا يسامحهم
اشتكيت في المكتب الاقليمي وما سوولي شي
اشتكيت عند المدير العام (آرنو) الحرامي وماسوالي شي بس وعوود كاذبه
واستمريت على الحالة نفسها لمدة 6 اشهر
واخر شي بعد السيارة وافتكيت ولله الحمد
وانصح كل من يبا يشتري يبعد عن البي ام لانه خدمتهم زبالة والكلام اللي يقولونه اول ما تشتري السيارة يختلف 180 درجة بعد ما تشتريها
لايقصون عليكم ويقولون سيرفس 5 سنوات,, صحيح سيرفس 5 سنوات بس تاكدوا انه 4 سنوات السيارة بتم في الوكالة من كثر الخراب وفوق هذا الخدمة تعبااااااااااااانه وكله كذب في كذب
والسموحة ,,كتبت الموضوع بسرعة واي استفسار انا حاضر
في كل وكاله بتلقى المعامله مستويات
على سبيل المثال في حد يودي سيارته الوكاله وياخذ مكانها سياره ومن فئه احسن من سيارته وفي حد
يودي سيارته واتم شهر وما يحصل حتى كرولا.وفي حد الخصم ماله 25% وفي حد الخصم ماله 12% يعني
المعامله في كل الوكالات ناس وناس.
يعني يطبقون مقالة اصابع ايدك مب كلها طول بعض .
على العموم انته دور سياره قليلة الاعطال وانا عندي لكزس 460 من الوكاله مطلعنه والمعامله في الوكاله
ما تبشر بخير وهذا السياره في الضمان يعني بعد الضمان سلامتك ما بتحصل شي من وراهم بس الحمد
لله الموتر مافيه الاعطال الي في البي ام والمرسيدس والبورش.
الافضل السياره قليلة الاعطال.
أخوي ، هالسيارة اللي تتكلم عنها … بي أم الجديدة ، معقولة ؟
عن نفسي بصراحة جربت البي أم مرتين
المرة الأولى كانت ولله الحمد ممتازة سواء الوكالة أو السيارة
المرة الثانية … الوكالة كانت ممتازة رغم إن الأسعار تضاعفت
لكن السيارة ، علمتني الأدب
علمتني أحرررررم أشتري أي سيارة ألمانية في حياتي
نعم
تقنية و فخامة وقوة ….. و أعطال لها أول لكن ما لها آخر
أثناء فترة إستخدامي للبي أم كنت كل سيارة ريكفري أشوفها أخزن رقم تلفونهم عندي وأقول :
“يمكن أحتاجهم في يوم من الأيام”
وهالنصيحة أوجهها لأي حد من أصدقائي أشوفه ناوي يشتري سيارة ألمانية
السلام عليكم
الناس هابيين فالـ بي ام علاشان الضمان 5 سنوات و اخر شي كله كلام فاضي … السيارة توها يديده وتخترب … حرام تعق فلوسك على بي ام .. خذ مرسيدس وريح بالك …. حط فلوسك في شي يستاهل
لا و لين الحين في ناس تقارن المرسيدس فالـ بي ام … الله المستعان
و ربي يوفق الجميع
خخخخخ تعال صح فكرره ،، لو انا منك ،، والموتر فل بيما ،، بعطي اي هندي 500 درهم بقوله تشوف هااك الليت ؟؟ امررره اضربه فالليت وكنسله وخلهم يعوضونك كااش هههههه
المشكلة عدم التأكد من هذا البند و في شركات تغطي الكوارث الطبيعية
و في حالة العدم , تقدر ترفع قضية ضد الوكالة , و الحل الأخير , انك تستغل التأمين لانك مب دافعه ببلاش……