يا جماعه أنا محتار بين موترين الصراحه.
الأول،
BMW 750 موديل 2010. الموتر توّه متغيّر و مميزاته ممتااااااازه. بس اللي مب عايبني فيه سعره اللي أشوفه وااااايد و ما يستاهله. بصراحه حدّه 350-380.
الثاني،
MB S500 موديل 2010. الفيس لوك و شوية أشياء داخليه متغيّره فيه، و مادري إن كان نزل في الوكاله ولا بعده. بس أخاف آخذه و يتغيّر عقب سنه سنتين، لأنه نازل في 2006. مع إني أشوف هيبته في الشارع أكبر بوايد من الـ بي ام.
سؤالي،
بخصوص الـ بي ام،
في حد فيكم خذ الموتر و عرف سواقته في مختلف الظروف.
و حد يعرف مشاكل الـ BMW اليديد؟
و هل المواصفات في بوظبي تفرق عن الشارجه ؟
و إذا حد فيكم يقدر اييب الموتر بـ خصم، يا ريت يخبرني.
و بخصوص المرسيدس، حد يعرف متى الموتر بيتغيّر ؟
و بخصوص اللي بيقولولي “خلها تصدّي”، أقولهم تراني ترييت المواتر أكثر من سنه عسب تصدي، بس الظاهر إني أنا اللي صديت مب هن. 
و لا تقولولي عن جيمة الموتر وقت البيع، لأني ناوي أستخدمه مال 8-10 سنين. يعني بطلّع جيمته، فما بتهمني جيمته وقت البيع. 
bmw
bmw
bmw
هلا اخوي
عن طاري الخصم لا تتريا حد
ولا تشاور حد
وجبل على طووووووول وكالة البي ام وخذلك ال750 ابيض ومن داخل بني فل فل فل فل اوبشن ويا رنجات ال21
انته والخير رباعه والوكاله بتعطيك اياه اب 450000 يستاهل سعره
وصدقني ما بتندم واتوكل على الله واحجزه
اخوي الاختيار بين الـ 750 والـ S500 اختياااار صعب
هالسيارتين يتنافسن من سنيييييييييين وكل وحده لها مميزاتها
بصراحه ماقول غير الله يعينك على الاختيار لانه صعب وايد
اتوكل عال بي ام وانته والخير رباعه ,, وبالعكس انا شراتك كنت قبل اقول حلو بس فيه مواتر احلى عنه بس الحين اشوفه غير ,, وين ال بي ام ال 7 سيريس ووين المرسدس ,, فرق والله (بالنسبه لي طبعا) والله لو تلاحضها عالينب طولها وهيبتها شرات البنتلي ال 4 ابواب .. وعليك بالبيضا .. ونصيحه لا تاخذ ال اس لان موديلها جد ومكوده فالشوارع ,, خذ شي يديد وتتميز فيه ..
واحد من الشباب اعرفه زين ما زين خذ الاس وندم قال ياريت ماستعيلت وخذت ال بي ام ,, يقول والله فرق السما والارض من كل النواحي ,,
استخير واتوكل عال بي ام ,, وانت اتقول بتخليه 8 سنوات والبي ام توه نازل يعني لين 6 ولا 7 ولا 8 سنوات لا تحاتي شكله ما بيتغير الا اصطابات ولا مواصفات داخليه انت في غنى عنها ,,
ويعطيك خيرها ويكفيك شرها مقدما