السلام عليكم
عندي سالفة ممكن تكون عادي لكن بالنسبة لي ما قد حصلت معاي في معهد خاص.
ادخل في الموضوع،
سبوع الي طاف سجلت كورس ايلس في British Council ويوم الخميس اتصلو بي وطلبوا مني ان امر عليهم واسترجع فلوسي لان الكورس اتكنسل والسبب انهم مالقو عدد كافي الطلبة.
قلت لهم دفعت 100 درهم وخذتوا من وقتي 3 ساعات او اكثر وفي النهاية الكورس تكنسل لا وتعالي خذي شيك! على الاقل حطو الفلوس في الحساب الي سحبتوه منه قالي ما نقدر نردها في الحساب لازم انتي تمري وتاخذي الشيك وتصرفي في بنك HSPC.
قلت لهم ابا تعويض ههههههههه خاصة ان امتحاني قريب قالي انتي في الامارات مو في بريطانيا 
انقهرت من هالرمسة.
الحين اريد اعرف هل هاشيء طبيعي وعادي يستوي ؟
تقبلوا تحياتــــــــــــــــي
شي عادي ياختي.
حتى في الغرب، بيعطونج شيك، مب كاش. نظام الشركات و المنظمات و المؤسسات الكبيره جي.
خذي الشيك، و ركزي على دراستج إختي.
خذي فلوسج وطنشيلهم الموضوع ما يستاهل اختي, ركزي على الامتحان .
بالتوفيق.
خذي فلوسج احسلج
والله يعينج
خذي الشيك ولا تخليهم يتهنوا فيه.
بالنسبة للرد لو تبين تقدرين تكبريها, المكالمات اكيد مسجلة سيري القنصلية نفسها وقدمي شكوى رسمية على نص الرد “u r in uae not in uk or us” وخبريهم انج عارفة انتي وين وانتي فخورة ببلادج.
يمكن يستحوا على اشكالهم مع اني اشك انهم يحسوا بشي.
القرار بايدج