السلام عليكم ورحمة الله وبركاته
فيه سيارة أشوفها في شوارعنا
بس ما أعرف عنها شي بصراحه
ياريت اذا حد عنده فكره يفيدنا شو مواصفاتها وسعرها واذا فيها عيب
هيه دووج أسمها كليبر caliber
لاني افكر اشتري مثلها
وأنشاالله الصور تساعدكم

8 thoughts on “caliber”

  1. مرحبا اخوي

    أنا خذيت السيارة تست درايف لمدة 7 أيام

    لاني في عمان وكانت سيارة الاهل خربانة من نوع دوج أيضا

    سيارة من الداخل تعيسة جدا ورخيصة

    تقول كوري مب سيارة امريكة

    وسعرها غالي

    وتشرب بترول على فاضي

    لاكن مستوى السلامة جيد لان الداشبورد كبير وهذة ميزة يوم تحدث الحوادث من جدام

    لا سمح الله

    نصيحة خذ هوندا سيفك بدلها

    صرفية ممتازة
    حجم ممتاز

    من الداخل ممتازة

    فوق هذا كلة ثباتها أفضل من الايكورد في سرعة 180

    وبنفس السعر أعتقد عندكم

    مشكوووور وماقصرت
    بعد كنت أفكر بالهوندا قبل ما اشوف هذي
    أريد سيارة حق المدينة والمشاوير الداخليه

  2. هذي طولي بعمرك سيارة لاول مرة تطرح في الخليج وفي الشرق الاوسط

    والوكيل ( المشروعات التجارية )

    سعر الاربعة سلندر 75 الف درهم

    ومن داخل ما في اي اضافات غير اللهم ،، الل سي دي جينجر 6 بسعة محرك 2

    وفي غير عادي بسعة المحرك 2.4

    واذا انت طالب في جامعة الامارات او تعرف حد من جامعة الامارات تقدر تحصل خصومات ومميزات رهيبة ،،( لانهم مقدمين تسهيلات لطلاب جامعة الامارات)

    هذا اللي عندي ،،

    وحبيت اضيف انها متوفرة بثلاث الوا ن ( الازرق + البرتقالي + الاسود )

    وبسسسسسسسسسسسسس

    وفي

    مشكور والله على التفاصيل الدقيقه والمجهود ألي متعوب عليه
    أنا كنت أفكر سعرها أقل عن هذا بوايد
    شكلي بتعايز عنها
    مشكوووور حبوب والله ماقصرت

  3. السياره 4 سلندر 2.0L L4 DOHC 16v
    سعرها اقل من 20000 الف دولار على حسب المواصفات .. تعتبر من انواع السيدان يعني السياره مب فورويل … الصراحة اول مره اشوفها والمعلومات يبتها من النت

    والسموحة

    حكومة والله أنك دوومك حكومة
    ثانكس

Comments are closed.