السلام وعليكم ورحمة الله وبركاته ..
اول شي حبيت اشكر جميع من شارك وابدى رايه وساعدني في تقييم سيارتي ال سي ال اس موديل 2007 في موضوعي اللي كان عالرابط
http://satfrequencies.com/invest/uae223910/
وحاب اخبركم ان الوكاله عرضوا علي اعطيهم الموتر .. واخذ نفس الموتر موديل 2009 وطبعا بيكون مع كت ايه ام جيه 63 .. مع دفع الفرقيه بعرض خاص ومرضي لي صراحه… والحين العرض فدموا لي اياه
بطريقتين وانا لازم اختار منهم .. وحاب تعطوني رايكم
الطريقه الاولى : اني اتريا دفعة 2009 اللي بتوصل على شهر 10 .. وبيكون الموتر اللي اباه لونه ابيض ومن داخل بيج ( على حسب طلبي )
والطريقه الثانيه .. ان عندهم موتر جاهز وموجود حاليا .. لونه ابيض ..بس من الداخل احمر ماروني!!
ياليت الاعضاء والخبراء يعطوني رايهم في اللون الداخلي:
-هل الللون الاحمر يركب على السي ال اس البيضا!؟
-هل اللون الاحمر له سلبياته..مثل شكل السياره … سعرها لو حبيت ابيعها عقب سنه مثلا!! < عمره موتر ماكمّل عندي سنه 
-هل اتريا شهر 10 واخذ الابيض مع البيج ..
وهاي الصور طلعتها من النت …لللونين ..البيج والاحمر ..
بانتظار آرائكم المميزه والمفيده كالعاده ..
والسموحه منكم
البييييج اكييد
والاحمر سعره بيييينزل ومحد ياخذ هاللون
والسمووحه
الاحمر مارووووني يا ريال ولا اتفكر بالبيج..
البيج لووون تقليدي بتلاقيه في كل مكان..
بس الماروني عوااار قلب الصراحه
الاحمر
الاحمر
الاحمر
ياريال حتى التكاسي الحين بيج من داخل ..
الماروني مايي الا على السيارات الفخمه مثل الموزاراتي والبوغاتي والبنتلي .. البيضا أحلى سياره يركب عليها اللون الأحمر من داخل .. والله خذها وانته مغمض ..