السلام عليكم
عندي طلعه عائليه بتاريخ 7 و 8 وال CheckOut 9 من شهر 6 ان شاء الله واذا الله حيانا
عايبني فندق Dubai Palm Desert وشفت تقرير احدى الاخوات في منتدى ثاني وكانت الاخت حاجزه Pool Villa ب 1890 درهم بدون الخدمات
بس يوم اتصلت اليوم قالتلي ب 3173 درهم
قلتلها الحجز عن طريق النت ارخص قالت هيه
انزين من وين اقدر احجز واييب خصم حلو ! لليلتين
اللي عنده فكره يخبرني
وتسلمون 
ان شاء الله اخوي بتبع الخطوات وان شاء الله بسوي اللي قلتلي علية !
كفيت ووفيت كلك ذوق وطيبه وما قصرت ويايه اخوي
ونخدمك في الافراح ان شاء الله
عادي حجزي لانهم مايسحبون من البطاقه شي خلاف يوم تسوين
جيك اوت تدفعين كاش او بالبطاقه ..
مثل ماقلتلج عقب ماتخلصين تتصلين وتخبرينهم لو شامل الظرايب ولالا
وان ماعيبج السعر ولا طلع اغلى عن اللي حصلتيه تقدرين تكنسلينه
وعاد عقب ان كل شي تمام وخلاص نويتوا وعيبكم السعر الافضل تطبعين الايميل اللي بيوصلج منهم معلومات الحجز وغيره عشان
لو استوى شي تعطينهم الاوراق
اي شي ثاني ترانا في الشوفه
هيه وصلت لاخر خطوه في الحجز ووقفت كنت بس ابا اسأل اذا شامله التاكس وبعدين بعد بتاكد عن الايام وبحجز
وتسلم اخوي مساعدتك ريحتني من العناء والتعب
هههههه عيل قصو عليك ودفعت التاكس بعد الحجز هههههه (( خبرنا خل نستفيد من تجربتك ))
عقب مافضحتيني تقولين سترت عليك ؟ خخخخ
انزين انتي حجزي ويوم بيوصلج على الايميل خذي رقم الحجز واتصلي
فيهم وخليهم يأكدون لج على السعر لاني مثل ماذكرت مرات مايكون
شامل التاكس او الظرايب << استوت له الحركه
وبالتوفيج ان شاء الله اقامه مفيده وممتعه