السلام عليكم …
وشحالكم عساكم بخير
هالمره رحلتنا كانت غير عن اللي قبل واللي قبل واللي قبل ……
يمكن كنا كاثر من 20 شخص … والباقين خليناهم في المزرعه
وانا ما يستوي شي في بر وحواطه وأيلس في المزرعه ماااااااا اقدر حشرن مع الناس عيد 
وبدت الرحله حواطه بين المزارع فجأه تحولت FUN DRIVE 
طار عقلي من الزياغ … مع انه احب FUN Drive يعيبني .. ولكن هالمره 
عقلي طار من الزياغ..
هذي البدايه….
في البدايه كنت اتحرى انه حواطه بين العراقيب ما تقوعت انهم كانو يفكرون يرقون لين السهم هذا
شوووووو قلتلهم رقو بروحكم وانا بدعيلكم تحت 
بس ما خلووووني 
خخخخخ وبدينا نقرب وانا ماااااااااشي ما خليت آيه مب حافظتنها ما قريتها هههه
جدامنا هاي اسياره بعد ونحن وراهم نتريا دورنا ههههه
ولكن الحمدالله ما قدرو يوصلون غير النص وترد السياره حاولوا مره مرتين ماااااااااااااااااشي يوصلون النص وننزل وانا مغمظه عيوني ههههه
والحمدالله الله ستر مرتين كنا بننجلب .. ولكن الحمدالله .. ^^ الله حافظنا وعقب سرنا مكان ثاني اهون عن هذا
سبحان الله ونحن نتحوط في البر .. حصلنا هذا اليبل اللي على شكل سمجه .. وفي وحده جنها سكجه صدق بس أذن المغرب علينا .. وغرزنا خخخخ جنه حد داعي علينا …
وبس خلاااااص خلصن الصور … ولكن نسيت اصور العقرب اللي حصلناها .. من الزياغ هههه
اتمنى انه اصور عيبتكم …
اختكم
سلبت الروح
مشالله عليج طالعة فوق السياره تصورين خخخخخخ
هاي الصور في مليحه!!!!!!!!
انا كنت هناك ويا ربيعي بدراجات يوم الجمعه العصر !!!
كان في جمس ذهبي ونيسان ليكون انتو !!!!
بس الصراحه كان الجو روووووووووعه برررررررررررررررررد من الخاطر
شكلها رحله حلوه اهم شي استانستي تحياتي
صور جميلة ورائعة جدا انشاء الله يوم الثلاثاء بنسير هناك شكرا سلبت الروح على الصور بس لاتخافين مرة ثانية خلي قلبج قوي .
رووووووووووووووعة
أهم شي إنكم إستانستوا