السلام عليكم و رحمه الله و بركاته
الكتاب باين من عنوانه
عروظ الجي كلاس الي اقدر اييبهم
طبعا اقدر اييب غيرهن و باسعار مختلفه بس هاي بعظ العروظ اللي عندي ..
طريقه الطلب ..

اول واحد يدفع البيزات هو الي بيكون من نصيبه ما بحجز االموتر لحد .. الجادين معروفين ..

والدفع كاش المبلغ كامل تسلمونه لي

و توقعون على عقد البيع مع استلام نسخه من العقد و جيك ظمان بالمبلغ المدفوع …

مده الاجراءات كااااامله من يوم تسليم البيزات انشالله و بذن الله تقريبا شهرين بالكثييييير لين يخلص الموتر و تستلمونه بسمكم

طبعا حقكم مظمون لاتحاتون ..
وانشالله ما يصير خاطركم الا طيب .

ملاحظة مهمة : محد يسالني عن مواتر ثانيه اهنيه
موظوعي مال المواتر معروف
وهاذا الرابط ماله ..

الي يبا يسال عن اي موتر يروح هاك الموظوع يحط سؤاله وانشالله برد عليه في اسرع وقت ممكن

هالموظوع بس حق الجي كلاس الي يبا جي كلاس يسالني اهنيه
ومابرد على ولا استفسار عن اي موتر ثاني .. ( اقرا هالملاحظه عدل )
ملاحظه ثانيه .. ( قل خيرا والا فاصمت ) عشان ما تستوي ظرايب فالموظوع
وتقبلو مني كل التحيات و دعواتكم لي بالتوفيج ..
للتواصل من خارج المنتدى
ايميلي مال الشغل

ملاحظة ( الي يباه بيج من داخل ترا يتلبس تلبيس روعه و ما ينعرف ابد لو فالصناعيه و عند كوجــــك بعد .. )
شراكه مع العظو &&حلو الاطباع&& في استيراد الجي

الجي انا بييبه لكم 2002 لين 2004 بسعر حلو و رخيص انشاللله
وعقب بالتعاون مع العظو &&حلو الاطباع&& يزاه الله خير .. ماشالله عليه عنده خبره فالجي .. و هو بيشاركني فمشروع الجي من امريكا فالتحويل ..
يعني انا اييب الموتر و عقب الزبون يكمل مع حلو الاطباع تحويل الموتر لـــ 2009 جي 55 اي ام جي .. بسعر وايد حلو

والتحويل كله اخوي حلو الاطباع بيسويه بعمولته .. يعني اللي بيطلب جي 2002 بيستلمه محول كامل 2009 جي 55
التحويل من 2002 شامل التالي

1- كفر الكاميرا الخلفيه

2- رنغات الوكاله و التواير اي ام جي 2009
3- الشبك الي جدام

4- الكشافات الخلفيه و الجانبيه

5- الرفرفين البلاستيك مال التواير

6- الدبات و القزوز سستم كامل مع التركيب
7- الكتبات ع الموتر AMG

8- الليتات الاماميه العدساات مالت 2009
9- الرفارف ..فوق التواير
10- الخط اللي فالنص اي ام جي
كل هالسامات اصلي من مرسدس مع التركيب بيشتغل فيه اخونا حلو الاطباع و المده اقصاها اسبوع انشالله عقب استلام الموتر ..
والسعر 48 الف درهم مع التعاب الريال والشغل كامل
والموتر اللي بتاخذونه من عندي يتحول كااااااااااامل 2009 خليجي 55 اي ام جي ..
صور مثال شغل اخونا حلو الاطباع على الموتر اللي يبته له ..
شرات هالموتر 2004 واصل 139000 انشالله او اقل او اكثر يعتمد بس هالحدود
قبل و بعد التحويل

قبل …

بعد

ملاحظة (( اغراظ الجي توفيرها بالتعاون مع العظو KING ماشالله عليه ما عليه زود في قطع المرسدس مشكور ورايتك بيظا اخوي.. و اي حد يبا كت لموتره انصحه بالتواصل مع العظو KING ))
التحويل عند كوجاك شامل كل اللي انا ذكرته فوق بيكلف فوق الــ 60 الف درهم
واحسن شي تاخذون اللون الاسود (نصيحه) عشان التحويل يكون وايد اسهل و احلى .. و متوفر وايد في امريكا و سعره حلو …
تحياتــــــــــــي
اختكم
ون بيرسن

سيتم الرد على جميع الاستفسارات على الايميل

العروظ فالردود اليايه

130 thoughts on “g class وارد امريكا ( عروظ الجي كلاس كلها بتنزل اهنيه و اي استفسار عن الجي اهنيه )”

  2. اللي عقبها على طول سودا

    من وكالة مرسدس سرتيفايد

    مالك واحد

    ماشيه 31000 مايل

    2007

    سعرها واصله 264000 درهم

    من داخل اسود بعد

  3. و سؤال ل ون بيرسن

    اذا ابا موديل 2007 G500 بيضا أو ذهبية .. على كم شامل الشحن و كل شي ؟؟

    لقيت لج وحده بيظا 2007

    ماشيه شي و خمسين الف مايل

    بدون المدعميه

    مالك واحد

    بدون حوادث

    سعرها واصله البلاد 234000 درهم

  4. استفدت من ردج وايد و تسلمين على الرد … و كتبتلج رد عن مواصفات الموتر اللي أباه و اذا أسود بعد عادي

    اذا السعر عيبني ان شاء الله باخذ من عندج و اذا حسيت غالي بطلب من الموديلات الأجدم

    و مشكورة

    ماوصلني شي اختي ؟

  5. :: بالتوفيج إن شاء الله , بس رأي الشخصي G55 مكينته تسوى G500 و غير يوم تسوق و تحس الموتر يسحب ::

    تسلم ع المرور و الراي

    تقبل خالص تحياتي

Comments are closed.