G55 2010 معلومات وتحديث متجدد

السلام عليكم ورحمة الله وبركاته …

اخواني حبيت انزل موضوع عن ال G55 2010 وكل المعلومات المختصه فيه من اسعار .. بداية التصنيع .. التغييرات .. الوقت المتوقع وصوله للخليج ..الخ …

واللي عندي واتمنى من الجميع الاضافه في حال عندهم معلومات او آراء لا يبخل علينا …

الموضوع بيكون متجدد لين ما نشوف الـــ G55 … ونجحل عيونا فيه ..
================================================== ==

السياره : G55
الموديل: 2010
تاريخ التصنيع المتوقع : سبتمبر 2009
تاريخ وصول اول دفعه للخليج : نهاية نوفمبر – بدايه ديسمبر 2009.
سعر العرض : ” الاسعار تم اخذها عن طريق الاتصال بوكالتي قرقاش في دبي و الامارات للسيارات في ابوظبي.
الاسعار تقريبيه .. والاسعار الحقيقيه بتكون موجوده اول ما توصل السيارات المعرض..
– 550 الف درهم. في قرقاش.
– 560 الف درهم في الامارات للسيارات..

التغييرات المتوقعه في السيارة:

– تغيير في الكراسي الاماميه لزياده عامل الراحه – الديزاين مأخوذ من كراسي الـ E-class . وطبعا الكراسي الخلفيه بتتغير بشكل بسيط بس عشان توالم التغيير في الاماميه.
– الطبلون راح يكون جلد.
– تغيير على جلد الابواب من الداخل .. ليعطي شكل اكثر انسيابيه.
– الاضاءه الداخليه بتكون مشابهه لاضاءه الـ S-class
– تطبيقات كروم متوقعه على الشبك الامامي- وغيره.
– وصلة ( I-Pod) AUX .
– الوان جديده للسياره الخارجيه مثل ( الرصاصي الغامق – بدل الرصاصي العادي )

بعض المواصفات الاختياريه الملغاه:
– اللون الرمادي للفرش الداخلي .. (discontinued)

وترانا نترياك يال G55 2010 >>> لا تطوّل علينا