السلام عليكم …
شحالكم اخواني الاعضاء
ياريت اهل الخبره والشباب اللي عندهم خبره وخلفيه عن اليوكن دينالي
انا محصل موديل 2007 وعلى شوفتي الموتر نظيف … وقالي ان الـ 2007
ايي بدون شاشه ولا نفجيشن ولا كميرا … وهو مركب فيهم هالاشياء
بالاضافه لفرق فالليتات فرق بسيط وهو مبدلهم 2009 …. ولونه ابيض لؤلؤي
المهم يا اخواني بغيت رايكم من ناحيه الموتر وهل انه ينفع استخدام شبابي + عائلي
وهل قوه مكينته 6.2 ولا 5.3 … وشو رايكم فيه من جميع النواحي
بالاضافه للسعر اللي عطاني ياه الريال وهو 105 آلاف شو رايكم
واذا شفت الموتر زين بتوكل على الله
وانا حاط صوره منزلها من النت لنفس الموتر بس طبعا لؤلؤي اللي محصلنه
واذا كان السعر مرتفع ياريت تفيدوني كم سعره الطبيعي
في انتظار تفاعلكم
تسلم يا اخوي الغالي على افادتك ومرورك الرائع …
وان شاء الله اتوصل لنتيجه وقرار .. ويعطيك العافيه
اخوك brb
اخويه نصيحه ابعد عن الدينالي
وخذلك يوكن العادي وفول اوبشن بسعر 90-120 لموديلات 2007 و 2008
الدينالي فورويله شغال على طول ويصرف وايد
ولاتنسى انه مكينته 6.2
شوف يا طويل العمر
2007 كانت اول دفعة وفيها بعض الفروقات عن 2009 منها ان السيتات ما تييك مكيفه والشاشه وبعض الفوارق الاخرى
انصحك تتريا شوي لان عام 2010 ياي وكثير سيارات بتتغير واسعار 2009 بدق الارض وتقدر تاخذ لك مستعمل 2009 بسعر حلو
وفالك التوفيق
والموتر شبابي وعائلي في نفس الوقت
لكن صرفيته مش معقوله في البترول
كانك تشرب ماي
بخصوص ال 2007 كانت اول دفعه بدون شاشه ولا مداوس كهربائيه ومن عقب استوت عباره عن مواصفات
بخصوص المكينه بتكون 6.2 ليتر لو كان فعلا دينالي اصلي مب الريال مسونه دينالي
والسعر اشوفه نوعا ما معقول وسعرها اول مانزلت كان في حدود ال 190 الي 200
واتمنى ان باجي الشباب من اصحاب الخبره ايفيدونك
والسموحه