السلام عليكم ورحمة الله وبركاته
بغيت أستفسر عن ها الموتر ,, هوندا برليود
موديلات الـ 97 للـ 2001
حد عنده فكره عنه ؟ من نايحه الـ خرابات – إستعمال – قطع غيار ,,,,, و أسعاره ؟
+
إي حد عنده يبي يبيعه 
يخبرني جزاكم الله خير ,,
والله بيني وبينك (لا تخبر حد)
من السواقة الدفشة
F22 و H22 نفس القواعد بالضبط
وما بتحتاج إنك تغير أي شي
لكن تأكد إنك تشتري المكينة مع الكمبيوتر والظفيرة
حتى لو قالك الميكانيكي ما يحتاي كمبيوتر وظفيرة
وبالتوفيق إن شاء الله
ملاحظة : الفرق في الأداء بين F22 و H22 كبيييييييييييييييييييييييييير جداً
زين الـ F22 و الـ H22 نفس القواعد ؟ و يتجدد الموتر بالمرور عادي ؟
مكاين الأكورد الجديمه عادي تقدر تحصلها فصناعه الشارجه و السكاريب ,,
عـ العموم تسلم عـ مشاركتك الحلوه
ما قصر ,,
كان عندي واحد موديل 97 جير عادي
اشتريته مستعمل
بعد اسبوعين (بالضبط) دقت مكينته
مكينته F22 وهي نفس مكينة الأكورد الجديم
بدلت المكينة وركبت مكينة H22 يابانية Jdm
كديتها كد وسافرت فيها والحمدلله ممتازة
حصلت لي بعض المشاكل لكن كان سببها الميكانيكي اللي بدل لي المكينة
كسواقة ، السيارة ممتازة
قطع الغيار الإستهلاكية متوفرة
لكن الأشياء الثانية مثل الاسطابات وغيره صعب تحصلها
اخوي هذا لاكلام في 2003 او 2004 ماذكر وايد لانه ماكان موتري ربيعي سافر و تم الموتر عندي شهر انا متاكد ان قطع غياره متوفره ان شاء الله انا ماذكر وايد بس الموتر كان معدل و في قمه الدلع
من التجارب ماقدر افيدك ميكانيكه او الاعطال بس الموتر شي شي شبابي و السيستم خفيف و ووفر ياسلااام ههههه
بعدين ياخوي هوندا ماعليه خوف احسب حسابك لقطع الغيار و امورك طيبه ان شاء الله