السلام عليكم أخواني ….
بعد موضوع أحد الأخوه أعلن فيه إن الاي باد 2 بينزل اول شهر مايو بحدود 3100 درهم للأي باد 2 3g 64 جي بي … رحت اليوم محل أي ستايل و سألتهم بنفسي عن الموضوع و فعلا أكدوا لي إنه بينزل في اول إسبوع من الشهر القادم .. ولكن لا توجد أسعار .. فالاخ الفاضل ذكر أسعار مغلوطة و هي أسعار أي باد 1
ولكن
المسؤول هناك أعلن أن الاي باد 2 16 واي فاي سعره بيكون 2000 درهم فقط .. يعني هم بيبيعون الاي باد بسعر إبتداء من 2000 درهم … و من أقل الاسعار لنفس الجهاز حاليا هو 2550 درهم .. يعني أرخص بحوالي 550 درهم …
يعني تخيلو سعر الثري جي 64 كم بيكون … أنا أتوقع و الله أعلم 3600 درهم ..
و في النهاية أقول للأخوه التجار ….. خيرها في غيرها …. 
إللى يبا يتأكد يروح المارينا مول و يسأل بنفسه
و السموحة
السلام عليكم
المشكلة ان في ناس ما تصدق ان هناك فرق في الأسعار ما بين شرف ديجي أو بلاج انس أو جامبو…..الخ ويعتقدون ان الكواليتي تختلف، قبل كم من شهر خذيت هارديسك من مركز العين في دبي بسعر 300 درهم، واتصلت في واحد من الأهل وكان ناوي ياخذ هاردسك وقلت له اذا تبا تاخذ هاردسك لا تاخذ من شرف ديجي لأنه أغلى بوايد فقالي مستحيل وتم يجذبني، قلت له أوكي برايك اذا بتاخذ.
واتصل فيني بعده بيوم وقالي أنا ما صدق كلامك فبنسير مركز العين وبنشوف الأسعار قلت له اوكي فيوم سرنا فشفنا الهاردسك فرق 250 درهم قالي ياخي مستحيل يمكن الكواليتي تفرق، وما صدق الا يوم شاف هو هو نفس الهاردسك.
هذا غير اللاب توب اللي يفرق في السعر عنهم ب 1000 درهم في بعض المرات، واللي مب مصدق يقارن أسعار شرف ديجي – بلاج انس – جامبو – جاكيس ….الخ. ويقارنه ب مركز العين أو مركز الخليج أو مركز الواحة.
ميزة ثانية موجودة في مركز العين، ان في أشياء كثيرة موجودة عندهم مب موجود في المحلات الثانية.
“نحو مجتمع واعي بكذب وجشع التجار”
الحين الشباب يشترون الاي باد 2 بدون ضمان ….واذا نزل عند اي ستايل بينزل مع الضمان ولا لا ؟؟؟
لاني صدق ناوي اشتري والتجار حيروني
زين سويت