مرحبا شباب
للي يبغي دراجات وكالة زيرو جت سكي 1800 سي سي سوبر شارج , اقوى من السيدو RXP و الكواساكي ULTRA , يعني قوتها مالها حدود , ال FZR لونها ازرق كرسيين وال FZS لونها احمر 3 كراسي
سعرهن في الوكاله ب 64000 بو بوظبي و دبي سعرهم ب 65000 و بعدهم مش واصلات , الواصلات في بوظبي كلهن مبيوعات و مثل ما انتوا عارفين على الحجز و يالله يالله تحصلهن , يعني الدفعه الثانيه بتوصل بعد شهرين الى ثلاث شهور .
انا سعري اقل من الوكاله 60000 اقل شئ في الوحده و الوصول انشاء الله بعد شهر , انباعن 3 دراجات بيوصلن بعد اسبوعين و غيرهن بيوصلن مثل ما قلت بعد شهر تقريبا .
اللي حاب ياخذ اكثر من وحده , اقدر اوفله 8 حبات والوصول بعد شهر من تاريخ الطلب
واللي حاب ياخذ جت بوت اي موديل انا بعد حاضر له
هاي صور اخر دفعه طلعت من امريكا 3 حبات
و هاذا جت بوت بيوصل معاهم مع كونتينر خاص فيهم , يعني شغل نظيف
اللي حاب يكلمني او اي استفسارات ثانية انا حاضر على الرقم 050 7706063
بالنسبة للدفع ما بنختلف , انا بحاول اريحكم من اسعار الوكالات عندنا و مثل ما قلت ما بنختلف في السعر في حال طلبت كميه
و تسلمون
تسلم حبوب
وياك انشاء الله , انا احاول ارضي شبابنا كثر ما اكثر
وهاذا عرض حق الشباب
اللي ييب لي بيعه حق اي شئ اعرضه له 500 درهم عمولة
ما اعتقد انه حد سواها من قبل و خلوني ابتدي فيها انا
جي بنمي في الشباب التعليم في كيفية عرض السلع برع المنتدى و نفس الوقت يستفيد منها و يعني ما ضيع وقته ببلاش في قراءة الموضوع و يكتسب في حياته خبرة و انشاء الله اكون علمت حد و يشكرني
و نفس الوقت طبعا انا مستفيد 
و مره ثانية انا حاضر باللي تامرون فيه و هاذا تشجيع مني للي حاب يتعلم و يجرب
ملاحظة : مب اي واحد اييب ربيعه و يقول هاذا اللي خبرني عنها ( يعني هو اللي بيشتريها بس يقول جي عسب ارخص ب 500 , اتمنى الجدية حبايبي و انشاء الله ما بقابل هالناس
و سلامتكم
هلا اخوي
بالنسبة للضمان تراني رديت عليه
و بالنسبة للدراجة 1300 , عطوني لين باجر اشيك عليها في امريكا لاني مو قادر احصلها على النت عندهم , و فالكم طيب
هلا اخوي
بالنسبة للجت بوت هاذا موديل 2007 موديله AR210 , ماشي اقل من 50 ساعة , بس انا حاليا ما افكر ابيعه لان ما بييب لي سعر عسب الجو بعده ما صار حر .
بالنسبة للتبديل , مشكور اخوي لاني انا اتاجر فيهم مب استعمال , و مشكور على العرض .
و اذا حبيت تسال عن اي شئ تراني حاضر و في الخدمة
و تسلم
مرحبا اخوي
بالنسبة للضمان ما عليه , بس بحاول اوفر لك اياه
بس سؤال اخوي و هاذا من واقع خبره , الجت سكي تخترب في اول ست شهور ؟؟
انا عندي شباب اشتروهم من الوكالة يودونها الوكاله عسب التشييك بس , و هاذا الكلام من السنة اللي طافت , ما شاء الله عليهم شغالات و لامن شكوى
المهم اخوي انا بشيك و برد عليك
و فالك طيب يا طويل العمر
الســـــلام عليكم
اولا الله يوفقك ياخوي
وثانيا نفس ماتشرف مشرفنا الغالي عن ناحية الضمــان
وهل عندك امكانيه اتوفر لنا دراجات جي بي 1300 2009 او 2008
اذا تبــا الصراحه اشوف سوقه ماشي اكثر … وبامكانية الجميع