Ls460, bmw740 and G55

19 thoughts on “Ls460, bmw740 and G55”

1. انا راي البي ام احلاهم وسيرفس مجاني وضمان 5 سنوات والتكنولوجيا الي فيها تعيبني
   وعقب اللكزس واسموحه

2. غلااي كل المواتر اللي اخترتها فنانه وكشخه بعد

   لكن نرد حق المهم

   الـ g55 من وجهه نظريه اذا خاطرك فيه لا تأخذ الموديلات الآخيره ترووم تأخذ من الـ 2004 او 2005 لأنها تقريبا نفس الشي ومصيرك اتحط كت يعني حولته مب 2008 حولته 2010 لوول
   اللهم اختلاف في الاصطباات يعني بالعقل حرام تأخذ موديل 2008

   الـ bmw في وجهه نظري هو الاختياار الموفق … لأنه لك وللزمن يعني توهم مغيرين شكله … يعني تقريبا يباله مب اقل عن 5 او 6 سنوات لين يغيرون شكله الكامل … والتغيرات اللي تستوي خلال هل السنوات كلها تغييراات خفيفه يعني الاصطباات والرنجاات

   الـ لكزس ما عليه كلام وفخاامه وخراباته مقدور عليها والخ والخ .. وموتر حلوو الصراحه لكن خلنا واقعين ماشي وجه مقارنه بينه وبين الـ bmw كنت بقولك خذ لكزس فوريل لكن قلت انه عند اخوك وتتبادلون السياير فـ ما يحتااي تأخذ وحده ثانيه

   فـ ارشحلك bmw ثاني شي اللي محصله ماشي 4000 يعني مب وابد والضمان لين 100000 او 5 سنوات … يعني لو شي خرااباات في الموتر بتظهر .. وعقب يعتمد ع الساائق ..

   والسمووحه منك .. واتشووف خيره ويكفيك شره ( الموتر اللي تأخذه )

3. البي ام او الكزس مع اني اميل اكثر للبي ام …. اما من ناحيه الخرابات فهذاك اول … انا شخضيا استخدمت الموديل اللي قبل الحوت 4 سنوات و الحين غيرت للحوت …. بدون اي مشاكل و صدعه راس … بعدين لا تنسى خدمتهم ممتازه من ناحيه الصيانه … يعني صبلها بترول و بدل تواير بس

   بالتوفيق

   تحياتي

4. 
   

   
   

   والله يالغالي انا عن تجربه اشوف اللكزس احسن من البي ام والمرسيدس

   اولا حق المكده والبيع والخرابات

   انا ماجربت المرسيدس G بس اشوف شكله ما تغير من اول موديل
   اما البي ام جربته صح فخااااامه بس المشكله يباله صيانه دوريه ومش حق خطوط

   مجرد رأي
   وبالتوفيــــــــق اخــــــــوي

   
   
   حالياً.. اللكزس .. اشوفه أقرب لــي..
   وفكرت فيها من كل النواحــي .. بس بعدنـي.. شويه .. اتشاور واتريا الباقـين ..

   ومثل ماقلت الجي ماتغيير .. من نزل .. بس الـ 2010 فيه شوية تعديلات .. خصوصا من داخل ..

   والبي ام معروف.. بـ الخراب.. لووول.. يعني مسوي حسابه .. لو انه ضمانه لين لـ 100 ألف ولا الـ 5 سنيين.. وانا واحد.. يومياً أضرب خطوط .. بس هب شرط كل يوم في نفس الموتـر.. يعني عادي.. بحاول أرواح امبين الموتر اليديد والحالي..

   وتسلم خيوو على رايكـ ..

   
   

   
   

   
   
   انا رأيي الخاص … لو انك بتاخذ لكزس لاتاخذ اللكزس 460 ..
   خذ اللكزس استيشن … لو عندك خصم او واسطه بتاخذه بالسعر اللي عندك .. 330 الف …
   وبصراحه الفورويل اشخص عن اللكزس صالون ..
   من حيث الشكل خااااصة

   ولو ماعندك خصم او حد من ربعك .. خذ لك موديل 2009 على الزيرووووو …
   بتحصله ارخص من 330

   ويا حبّذا اللون الابيض او الاسود ..

   …
   وعن البي أم بالنسبة لي انا ماتعجبني شكلياً ..
   وصح فيها مواصفات والخ الخ بس انا ما اتقبلها .. وهذه وجهة نظر لا اكثر ..
   وعن الجي 55 … بصراحه هيبه وشخصية ……. ووحش بعد … وشكله ثابت ماعليك من الموديل … كل سنة غيّر بعض الاكسسوارات … وانته والخير ارباعه اللي بيشووف موترك بتحسبّه موديل السنة هههه
   

   أنا وياكـ .. والله !
   الاستيشن لكزس شكله أحلى وأفخم .. وأيدد بعد ..
   وصدقنـي.. انها سيارة أحلامـي.. بعد الموزيراتــي.. من سنين وبنين! حتى والله اني أحبها من شكلها القبلي .. !!
   بس تعرف وين العله !!
   أنه أخـوي .. خذ له وحده .. سوداء.. 2009 .. ودومي اتبادل وياه .. !!
   وعندي لكـ خبر حلو .. !!
   اتريا لين أول شهر واحد .. وشوف الـ لكزس 570 .. شوف شكله كيف .. !!
   غيروا.. البمبر الامامي والخلفي ورنجاته .. يعني .. عليه كت من الوكاله! والله انه طــر !
   وشفت صوره في الوكاله .. والله انه الكلام أكيد والحجز عليه موجود .. !!
   واللي يبا ياخذ لا يستعجل .. أنا يوم سرت عسب الـ 460 .. راوانـي.. بروجكت عن الـ 570 2010 .. وقالي .. انه ما يروايـه لأي حد .. بس لانه يعرفنـي.. وأخويه ماخذ عنه موتريــن .. هـ السنه ..

   والبي أم .. بـ العكس.. أنا أتخبل عليه .!!
   بس بعدنـي.. اشوف الجي 2008 جديـم ..
   وعـ فكرة ترى الـ 2010 .. يفرق شويه .. غيروا سيـتاته .. بينزل اللون الاحمـر.. وحطوا له سيتات الـ E-class اليديد .. !! بس بعد .. اشوفه مايسوى 540 ألف.. بعد ضرابه على هـ السعر .. !! والدفعه الاولى شبه محجوزة!! بس طبعاً اللي بيحط فلوسه بيقاااااه!!

   مشكــور خيوو . . ماقصرت والله ..

   
   

   
   

   الجي 55
   مكينه + هيبه
   ولد عمي عنده الحوت 750 ابيض ومن داخل اوف وايت
   ماعليها رمسه اشوفها احلى عن اللكزس فرق الالماني والياباني
   ولا تنسى تنكس العقال وانته ع السيت
   اللكزس صالون لو توصله قيمته مليون ما بيدخل مزاجي
   عقب ماشفت رد عاليين المقامي من فتره يقولي ربيعي محصل لكزس استيشن على الزيرو 335

   أنا مشكلتي مشكله!
   
   في خاطري الـ بي أم .. أكثر عن اللكزس! لانه أفخم وأقوى .. وهيبه!!
   بس أبا اللكزس أكثر عن البي ام .. لأنه زيرو وموديل 2010 وتوه متغيير “فيس ليفت”
   والجـي.. طبعاً.. لا يعلى عليه !! وانا في خاطري فورويل أكثر من الصالون! بس 2008 أحس انه جديم!
   وبعد ترى الـ 2010 يفرق شوي .. من الداخل!! عن الـ 2009 .. والـ 2008 يباله تحويل لـ 09

   يطولي بـ عمركـ .. ان شاء الله العقال بينكس.. في اللكزس ولا الـ بي ام .. وشكله الـجي .. جديمـ !!
   وعـ فكرة .. انا ذكرت في ردي السابق!! اللكزس مايعرف جيمته إلا راعيه ولا اللي يركبه!!
   تدري.. أنا استعملت الـ is300 6 شهـور.. وتخبلت عليها .. وين عيل الـ 460 وحالياً.. استخدم 570
   ومشكــور خيوو .. ! ماقصرت على مداخلتكـ
   

5. الجي 55
   مكينه + هيبه
   ولد عمي عنده الحوت 750 ابيض ومن داخل اوف وايت
   ماعليها رمسه اشوفها احلى عن اللكزس فرق الالماني والياباني
   ولا تنسى تنكس العقال وانته ع السيت
   اللكزس صالون لو توصله قيمته مليون ما بيدخل مزاجي
   عقب ماشفت رد عاليين المقامي من فتره يقولي ربيعي محصل لكزس استيشن على الزيرو 335

Comments are closed.