السلام عليكم و الرحمة

شحالكم اخواني عساكم بخير و مرتاحين

شباب انا طلبت لومينا اس 2009 و بتوصلني عقب كم من يوم ان شاء الله

طلبت أول شي اللون الأحمر و بعدين غيرت رايي باجر ان شاء الله بسير أغير للون الأبيض لأنه عيبني أكثر

أول شي بغيت رايكم باللون

و ثاني شي ابا نصايحكم بخصوص اللومينا كيف أول ما أستلمها كم لازم أمشي لأن انا كل يوم أضرب خط ع شارع الإمارات

و بصراحة ابا أغير صوت الموتر و اركب له دبات و مادري من وين

اذا حد من الأخوان ايعرف حد فعيمان و لا الشارجة يركب دبات صوت ياليت ايخبرني وين أو يعطيني رقم المحل

و أي سلبيات إيجابيات عن الموتر ياليت اتفيدونا يا شباب

و بس اتريا ردودكم و مشاركاتكم

تحياتي لكم عيماني

9 thoughts on “Lumina S 2009 ادخل و عطنا رايك”

  1. مبروك اخوي
    واللون الأبيض كثير حلو ، خاصة أنه ثلجي

    إذا تبي لومينا ss موديل 2009 زيرو ممكن اوفرها لك بـ 130000 درهم وتختار اللون اللي تبيه
    مع ضمان مفتوح لمدة 3 سنوات

    بالنسببة للومينا ss الجديدة فصرفيتها أقل للبترول لانها 6 سرعات والسيارة تكون مرتاحة ع الآخر

    الفرق بين 2008 و 2009 هو التالي :
    – الليتات الأمامية تجي عدسات في الأخيرة
    – الليتات الخلفية تجي كرستال
    – السكان يجي مطعم بالكروم
    – الجير يجي تيب ترونك بست سرعات

    وموفقين يا رب

  2. لاتغير ولا شي

    دام انها ستة v6

    شو الفايدة صوت وماشي هبة

    خذ لك v8 واسمع الطربة

    مرة سقت لومينا واحد من الربع ( حمد السيم)

    مزودة فل ستروكر +توربو

    عليها تواير سيلكس
    طيارة بكل معنى الكلمة
    دعستها ريس على اللفة اتحرى عمري اسوق FJ
    دارت علية 50 دورة ووقفت

    ووقف قلبي معاها من الخوف

    سيارة هب طبيعية قوة وتورك لايصدق

  3. اول شي مبروك مقدما على السيارة..

    بخصوص القزوز..تحمل تركب برع..روح ليبرتي موتر سبورت في الشارجة واطلب من عندهم وهم بيركبون لك..اضمن وشغل نظيف بدل ما تركب برع ويخربون لك اشياء ثانية خاصة السيارة يديدة وعلى الضمان.

    وهذا رقمهم 065037302

  4. يا ريال ما بغيت ثمانية انت اتعرف صرفيته كيف

    عسبت جذه خذت الـ S

    و بنفس الوقت نبا نغير الصوت

    عييل بركبه و يوم بمل منه برده وكالة

    و تسلم الشيخ ع المرور الطيب

    تحياتي لك عيماني

Comments are closed.