اخواني الافضل
مبروك عليكم شهر رمضان الفضيل وكل عام وانتم بخير
عندي اسفسار بخصوص سيارة نيسان ارمادا من حيث ميزاتها وعيوبها ومصروف البترول وهل تنصحون بها
كسيارة عائلية طبعا
تقبلوا اطيب التحيات
جزيتم الخير مقدما
9 thoughts on “Nissan ARMADA 2008 الميزات والعيوب وهل تنصحون بها ؟؟؟ الرجاء المشاركة”
Comments are closed.
السيارة الخليجية الي بتاخذها ان شاء الله بتكون فيها نظام ملاحة اما الوارد يحتاج برمجة
في الاخير والاهم الضمان اهم شي الخليجي بها ضمان محلي الوارد لا
والله يوفقك ان شاء الله انصحك لاتفكر في الوارد خاصة انك تبى توخذ سيارة يديده
مشكووور اخوي ترتووووب والله انك ما قصرت وبيض الله وجهك ،،، صراحة معلومات مفيدة جدا جدا فوق ما تتخيل
عندي سؤال ثاني هل تنصحون بالوارد ولا الخليجي افضل
تقبلوا خالص تحياتي
ما أزيد على أخوي ترتوووووووووووووب
نعم انها سيارة صح عائلية ميه ميه
سيــارة رائعة بمعنى الكلمة للسفر و للعائلة و الخطوط ,,, شكلها خرافي و مواصفات دلع للسائق و الركاب ,,, هيبة في الشارع ,,, سعرها ممتاز ,,, لو قلتلي موديل أقدم من 2008 كنت بقولك لا لانه الموديلات اليديدة وايد أشياء عدلوا فيها و خاصة من ناحية الشكل ,, بس دامك قلت 2008 ,, إتوكل على الله و ما بتندم ,, أمسات شايف واحد مواطن يسوق أرمادا أبيض يبين إنه توه ظاهر من الوكالة بدون مخفي ,, والله هيبة و صوته دلع و بالنسبة لصرفية البترول ,,, تم تطويرها ,,, يعني إنته تتمشى على راحتك ,, الموتر بس يمشي ب 4 سلندر ,, تدعسله شوي أو تثبت السرعة على سرعة منخفضة يمشي 6 سلندر ,, تدعسله فل أو تثبت على سرعات عالية يمشي 8 سلندر ,, يعني لا تشيل هم من ناحية البترول و التانكي ماله 105 لتر أظني ,, يعني عبي و انسى لول ,,
أقتبس كلام من احد المنتديات إلي يذكر فيها مواصفات السيارة :
مراااااحب أخوي
– أول شي من قال انه الأرمادا فيه عيوب أسأل اي واحد أشترى ارمادا هل فيه عيوب وراح تتأكد من الواقع لانه حتى لو انا قلتلك انه ما فيه عيوب يمكن ما راح تصدق بس لما يكون شي حقيقي هنا الافضل لك كونك جاد في شراء سياره للعائله تريحك وما تعرف شي اسمه كراج….
– الشي الثاني ويمكن ما راح تصدقني الا اذا رحت الوكاله تسألهم بنفسك سيرفس ( الصيانه ) الارماد تعرف بكم ب 15 ريال واحيانا 13 أو 14 ريال تصور سياره كبيره وثمانيه سلندر السيرفس بهاذي القيمه والميجر سيرفس ب 70 ريال والله هاذي وحدها نعمه ((( هاذا علي حسب علمي ما أعرف اذا تغيرت قيمه السيرفس ))) وبالمقارنه خالي عنده مستوبيشي جلانت وقيمة السيرفس العادي ب 15 ريال والميجر سيرفس ب70 ريال وييييييييييين الجلانت ووييييييييين الارمادا سياره ضخمه والقوه والهيييبه هاذي المقارنه للسيرفس يعني من هاذي الناحيه ارتااااااااااح وبعدني ازيدك من الشعر بيت روح اسأل عن سيرفس ال GMC اذا ما ضربك غم احيانا يوصل 170 ريال وبعده ويش السيرفس ماااالهم تعبان ع الاخر
– الشي الثالث القوه وقلت صرفيه السياره فيها نظام اذا كنت تسرعة 110 كيلو أو أقل المحرك يفصل 4 اسطوانات عن العمل يعني كأنه عندك سياره 4 سلندر بس انت راكب في سياره هيييييييــبه واحيانا 6 أو 8 سلندر على حسب السرعة والضغط تسارع السياره من 0 الى 100 كيلو في 7.2 ثانيه يعني قووومه صح بس عليك تدوس عليها وتستمتع بالقوه يعني كأنه عندك 3 في واحد سياره سبورت وسياره فخمه وسياره دفع رباعي وازيدك من الشعر بيت تخيل الأرمادا قومتها اقوى من المرسيدس E320 تسارعها من 0 الى 100 في 7.7 واقوى عن S320 تسارعها من 0 الى 100 في 8.2 واقوى عن S350 تسارعها من 0 الى 100 في 7.6 واقوى عن اللكزس ES 350 و 350 GS تسارعهن من 0 الى 100 في 7.5 واقوى من المكسيما تسرعها 7.9 يعني انت في المقدمة
– الشي الرابع وعاجبني كثير هو بأمكانك تعبي السياره بترول عادي سعة خزان الوقود 105 لتر يعني يصير فل خزان اضرب 105 لتر في 114 يساوي 11970 يعني قول تقريبا ب12 ريال صراحه جميل جدا
-الشي الخامس السياره مفتاحها ذكي بس عليك تخلي المفتاح ف جيبك ولما تتقرب الي السياره يتم التعرف علي المفتاح بس تضغط حبه في الباب ضغطه واحده يفتح باب السائق وضغطتان تفتح جميع الابواب علما انه السياره يتم تشغيلها من غير مفتاح
– الشي السادس فيها بلوتوث شغل البلوتوث في هاتفك وربطه مع بلوتوث السياره تقدر تربط اكثر من هاتف واحد ولما يجيك اتصال بس تضغط حبه في السكان وتكلم بدون عن تشغل نفسك
– الشي السابع فيها نظام نفجيشن سيستم بأمكانك الذهاب الى اي مكان ف الخليج العربي بدون عن يساعدك حد من الناس وتقوله ما احيد الطريق تروح وانت مرتاح
– الشي الثامن فيها كيمرا خلفيه لما تخلي الجير ع الريوس تشتغل الكيمرا تلقائيا مع الحساسات تبينلك كل شي خلفك مع المسافه وفيها ايضا حساسات للأمام عن تدق في سياره غيرها في الزحمه
– الشي التاسع جير السياره يغير من غيار الى غيار وكأنه السياره فيها غيار واحد بس ما تحس ابدا في التبديل
– الشي العاشر مكيف السياره فيه نظام مثلا الراكب فيه زكام والسائق محتر بأمكان السائق يخلي الهواء بارد الذي متجه له والراكب اقل بروده حسب الرغبه كل واحد على كيفه حتى بالنسبه للركاب المقاعد الخلفيه
– الشي الحادي عشر فيها نظام صوتي من شركة BOSE الشهيره قوي جدا جدا وواضح مع عشرة سماعات موزعه في السياره بطريقه مدروسه وبأمكانك ادخال 6 اقراص سي دي داخل السياره ومنفذ آخر لتوصيل مشغل MP3 كل هاذي الاشياء لك أخي العزيز
– الشي الثاني عشر فيها نظام ترفيهي للركاب الخلف وهو شاشه لتشغيل DVD اذا كان عندك اطفال وانت رايح خط بعيد شغلهم توم وجيري وخلهم يتابعوا وانت مرتاح لا ازعاج ولا شي
– الشي الثالث عشر فيها نظام تعليق خلفي مثلا اذا كنت في رمل وضغط بترول واجد السياره تساير نفسها وما تستخدم كل ذالك الضغط لكي ما تغرز عليك
– الشي الرابع عشر محرك السياره ثمان الاسطوانات من لالمنيوم v8 و32 صمام بسعة 5.6 ليتر يولد 360 حصان عند 5200 دوره في الدقيقه كلها تحت تصرفك
– الشي الخامس عشر انظمة الامان والسلامه نظام ABS المانع للأنزلاق ونظام EBD لتوزيع ضغط المكابح ونظام BA يعمل عند الضغط القوي للمكابح يمنح قوه اضافيه للمكابح وتوقف سريع
– الشي السادس عشر نظام مراقبة ضغط الاطارات اذا اي اطار ناقص هواء يخبرك
– الشي السابع عشر تتوفر السياره بثمان ألوان ابيض ثلجي ، أخضر شجري ، فضائي ( رمادي ) ، أزرق ماجستي ، أحمر متألق ، دخاني ، فضي لامع ، رملي صخري
– الشي الثامن عشر رنج السياره 20 انش وعرض الاطار 265 والارتفاع 60 اطاراط ميشلان يعني ثبات في الشارع
– الشي التاسع عشر وزن السياره حوالي 3000 كيلو يعني واقعه في الشارع
– الشي العشرين طول السياره 5255 ملم والعرض 2001 ملم
– الشي الحادي والعشرين معلومه بأمكانك تسحب حوالي 4500 كيلو يعني تسحب سيارتين وانت تضحك
– الشي الثاني والعشرين اخي وعزيزي اذا عجبتك السياره واقتنعت بها فلا تشتري موديل 2008 لانه في 2009 راح يتغير الشكل بالكامل لانه نظام النيسان كل خمس سنوات يتغير الشكل وكان اول موديل للأرمادا في سنة 2004 (واتوقع المحرك ايضا واذا ما خاب ضني راح يكون المحرك اقوى ليصبح بسعة 6.0 ليتر والجير 6 سرعات) هاذا توقع شخصي من ناحية تغير قوة المحرك وجير وشكل السياره يعني ما أكيد .
عذرا ع الاطاله
اذا بغيت اي مساعدة تفضل
والله يغفر لوالديك
وعاد انت وذوقك !!!
شكرا .
و السمــوحة علــى الإطــالة ,,,
هل الوارد من اليابان افضل من المحلي ؟؟؟
لمن لديه المعلومة ايضا