كُلا منا مر بمرحلة الدراسة
التي تُلازمنا ذكرياتها
و نحنُّ إليها كُلما ابتعدنا عنها
بكل أحلامنا
عفويتنا
سعادتنا
نجد أن تلك اللحظات
لا تُقدر بثمن
لأن فترة الدراسة
ملجأ لأرواحنا الظآمية للعلم
و مكان لرُقي أنفُسنا
و تقوية لذواتنا
لنكون مؤهلين للمُضي
في طريق الحياة الصعب
على مقاعد الدراسة
كيف كانت أيامكم؟
أحلامكم؟
نجاحاتكم؟
ذكرياتكم؟
تطلعاتكم؟
صداقاتكم؟
؟
؟
؟
و الكثير من الاستفهامات
التي تدور في أذهاننا
معكم
هُنا
سنتعرف على أعضاء منتدى الإمارات للأوراق المالية في لقاءات متجددة حول ـ مقاعد الدراسة ـ
“لطفا الكل يشارك“
أخوكم الصغير
دولار إماراتي
دولار لاتفتح علينا باب نطلع الفضايح اخاف واحد من المدرسين يطلع هني معانا شو نسوي بعدين وماخفي كان اعظم لووووووووووووووووول
لوووووووول .. نحن شو كناا نسوي .. كنا مسوين جدول .. اياام الاسبووع ..
يعني السبت : انا كمن ربيع … نسير نيييييييييييب اكل من البيت للفصحة نتريق .. نفرش الحصير في الصف وناكل …
واخر الاسبوع يوم الاربعاا .. انيييب كلناا ..
لكن بعديييييين اشتكو عليناا ^_^
لووووووووووووول
وشوكناا قبل نسوي .
كنا نيييب صلب سيجاارة …
انزيين ونخوز القطن اللي تحت .. ونحط شلق ..(العاب نارية).. ونولع فوووق .. اللي يكون .. التبغ ..
وطبعا بما انه شوي شوي .. يولع لين يوصل لين القطن .. واخر شي ينفجر ..^_^.. كأنه قنبلة مؤقته ^_^
اسميييييييه دولار كان مجرم قبل
ولاااااا يوم يسمعوون اني اسوي جي ينصدموون ^_^
لووول
انت مايخصك بشي
^_^
بصراحه اتمنى اني ادرس مره ثانيه وكل يوم في الايام اللي راحت اتمناها ترجع مع الربع والمدرسين وايام المذاكره والشرده من الحصص والحمد الله كل شي كنت احلم فيه تحقق من شغل من هدف من طموح وشهاده واقول للي يدرسون لاتفوتن ولا يوم من هذي الايام راح نتدمون بعدين
هذا حالنا اول ايام الدراسه لوووول
أحلى يوم بالمدرسة عندي وعند رفيجاتي يوم نسمع أن المعلمة غايبه اليوم نطير من الفرحة ونتمى كل يوم يكون عيد يا سلام وبعد من ينزل شوي مطر رجعونا بيوتنا لأني مناطقنا تسد الشوارع وصعب نسير فهم يظهرونا بسرعة رووووووعة أيامنا بس ما خبرتنا يا دولار شو أيامك أنت ؟؟؟؟؟؟؟؟؟؟؟؟؟؟
موضوع رائع … سجل حضوري يادولار إماراتي
ولكـــن
لي عودة قريبة