اتخيلوا اليوم شو حصلت في التجوري 
اليوم الله يسلمكم كنا مسوين عزيمة في البيت
وقلت يلا خلنا نكشخ ونزقرت
وفتحت التجوري بطلع طقم بسيط البسه وانا أدور بين الذهب
حصلت اسويرة رجعتني 13 سنة لورا
تميت سرحانه أذكر أيام اول 
هالسويرة لها ذكريات جميلة 
لا تنسى (هدية من اربيعتي )
لا تنسى (هدية من اربيعتي ) الصراحة كانت ايام حلوة لكن فرقتنا الأيام والظروف وانقطعت اخبارها 
وتمت الاسويرة بروحها في التجوري وفي الظلام بين الذهبان
واتصدقون على كثر ما افتح التجوري اليوم شفتها بالصدفه
غمضتني وحليلها قلت اليوم لازم نكشخ بها مع انها مب على الموضة لكن لبستها
هاذي صورتها 
يمكن اتشوفها اربيعتي واتعرفني واتراسلني واترد صداقتنا 
***********************
وهاذي هدية من وحدة ثانية معجبة سنة 1998 (اتعرفون عاد سوالف المعجبات)
***********************
وهاذي الساعة (كريستيان برنارد) يتني هدية من اخويه سنة 1997 كان شاري ساعتين رجالية ونسائية والنسائية كانت من نصيبي 
الحين شو رايكم انسوي مسابقة
كل واحد يصور لنا شي جديم محتفظ به
ولازم يكون عمره فوق العشر سنوات ويخبرنا بالذكريات اللي تتعلق به
واحلى صورة وذكرى يتم اختيارها من قبل الأعضاء والمشرفين
الفائز او الفائزة بيربح بطاقة رصيد من اتصالات او دو
شو رايكم في المسابقة 
ماعندي ذكريات .. كلها في المحرقة خخخخ
فعلا فكرة حلوة …………. بس للأسف ماأقدر أشارك فيه
ماعندي إلا كيمرة الجوال ………. ولا الهدايا ياكثرها خصوصا القديمة
احتفظ بكووووول حاجة بالتاريخ والمناسبة ………….
الله … خليتيني أنبش الماضي مب بس الهدايا
تسلمين ع الموضوع الراقي .
عندي هدايا وذكريات لكن مب وايد وكلها من قريب يعني أجدم وحدة قبل 4 سنين ..
تسلمين ع الموضوع
دور مني ومناك يمكن اتحصل
.
.
.
يا سلام
فكرة جميلة، عاد انا اغراضي مال سنة مادري وينها
الله يستر، كان ودي اشارك