اتخيلوا اليوم شو حصلت في التجوري 
اليوم الله يسلمكم كنا مسوين عزيمة في البيت
وقلت يلا خلنا نكشخ ونزقرت
وفتحت التجوري بطلع طقم بسيط البسه وانا أدور بين الذهب
حصلت اسويرة رجعتني 13 سنة لورا
تميت سرحانه أذكر أيام اول 
هالسويرة لها ذكريات جميلة 
لا تنسى (هدية من اربيعتي )
لا تنسى (هدية من اربيعتي ) الصراحة كانت ايام حلوة لكن فرقتنا الأيام والظروف وانقطعت اخبارها 
وتمت الاسويرة بروحها في التجوري وفي الظلام بين الذهبان
واتصدقون على كثر ما افتح التجوري اليوم شفتها بالصدفه
غمضتني وحليلها قلت اليوم لازم نكشخ بها مع انها مب على الموضة لكن لبستها
هاذي صورتها 
يمكن اتشوفها اربيعتي واتعرفني واتراسلني واترد صداقتنا 
***********************
وهاذي هدية من وحدة ثانية معجبة سنة 1998 (اتعرفون عاد سوالف المعجبات)
***********************
وهاذي الساعة (كريستيان برنارد) يتني هدية من اخويه سنة 1997 كان شاري ساعتين رجالية ونسائية والنسائية كانت من نصيبي 
الحين شو رايكم انسوي مسابقة
كل واحد يصور لنا شي جديم محتفظ به
ولازم يكون عمره فوق العشر سنوات ويخبرنا بالذكريات اللي تتعلق به
واحلى صورة وذكرى يتم اختيارها من قبل الأعضاء والمشرفين
الفائز او الفائزة بيربح بطاقة رصيد من اتصالات او دو
شو رايكم في المسابقة 
يعني انت من الأشخاص اللي يتخلصون من أغراضهم الجديمة ما يحبون يحتفظون بأي شي يتعلق بالماضي بس أكيد محتفظ بصورك يوم كنت صغير صح !!
انا كل تصويري من موبايلي
صوري من موبايلج ونزليها النا خليناا نشوووف
ما عندج شهادات مال المدرسة ولا شهادات تقدير, دفتر مذاكرات, دروع, ملابسج يوم كنتي صغيره أي شي