السلام عليكم ورحمة الله وبركاته
اخباركم ..؟؟؟ ابا بكج هني مون المدة 10 ايام في ماليزيا…وين تنصحوني اسوي البكج…
طرشت لطيران الامارات وقالولي ب 25 الف تقريبا حسيت انه وايد على ماليزيا…ابا سعر حلو.. عطوني اقتراحاتكم…وياريت لو اي حذ مجرب مكتب سفريات اوكي تقولولي وشكرا
ما أوصيج بلنكاوي جزيرة العرسان
جيكي أسعار التذاكر بين الاتحاد والامارات والسنغافورية
والفنادق موقع booking.com
وتواصلي مع سفريا سالم أبوظبي
على العموم أنا كان لي سفرة شهر عسل سنة 2006
دبي كوالمبور لنكاوي 5 ايام وبعدين سنغافورة 4 أيام وعقبها كولمبور 5 أيام ولا أنسا قبلهم كراتشي يومين لأنه صار خلل في الطياره
في لنكاوي سكنا في فندق اسمه لنكاوي لجون
وسنغافورة قي شيراتون
وفي كوالمبور في فندق ويستن + صن وي لجون في الفلل المنفصلة إلي ما في أحلة منها وفيها حوض سباحة ولا أروع
كلفتني الرحلة مع الدلال والدلع قريب 25 ألف
تذاكر+فنادق+مواصلات
غير مصروف الجيب
ورحلة موفقة
ولا تنسين تييبين صوغات
ومبارك عليج مقدما ومأخرا
ورمضان كريم
من يومين راد من ماليزيا نحن كنا 3 ورحنا عن طريق طيران الاتحاد وكانت الرحله لمده 10 ايام وحجزنا فنادق منها 3 و4 و5 ( على حسب الغرف المتوفره ) نجوم كلفتنا الرحله 22400 مع الطيران الداخلي والمواصلات…
اذا تبين نصيحتي بطرشلج موقع مختص بالسفر لماليزيا واسعارهم ارخص توصل للنص …
واي استفسار عن ماليزيا عن احسن الجزر والاماكن فالج طيب…
ورحله عسل سعيده …
امس ربيعي مرتب واحد ب 18 الف لمدة 10 ايام وفنادق 5 نجوم
وتقدرين تحصلين بسعر ارخص وتكون الفنادق 4 نجوم وعلى فكرة جربت ال 5نجوم والاربع ماشي فرق ابدا فالرفاهية بس يفرق بالسعر وايد وانا انصحكم تسيرون اكثر من مكتب سفريات ولا تطلبيه من مكاتب طيران
و25 الف سعر مبالغ فيه وتقبلي مروري