اللي يعرف شي عن هالشركه (Quest ,or, Gold Quest) وممكن يفيدني يتفضل وبكون له شاكر ..

لأن توني دخلت في نظامهم مع عدد كبير من الشباب معانا فالكليه …

فإذا حد يعرف عنها شي ياريت يخبرني ..

واذا حد يبا يدخل بعد عن طريقي ما عندي مانع .. :efsf7:

يالله اتريا اقتراحاتكم ونصايحكم ..

تحياتي ,,,

7 thoughts on “Quest”

  1. هاي الشركة شركة نصب و احتيال، لو كان فيها سوري او لبناني او هندي او اي جنسية ثانية. والله العظيم العام كنت يالس وياهم و اشوف واحد منهم يايب عامل نظافة وياه وتم يخرط عليه و يحاول يقنعه انه يعطي 800 دولار و بيعيشه احلامه و بيحقق امانيه خلال شهرين!!!!!! و تعرفون شو استوا؟؟؟ العامل قاله عطني يومين بحاول ادين و ايبلكم الفلوس، و الشاب الله يسامحه قاله سير بسرعة!! معاك يوم واحد بس او اعتبر انك خارج هاي المجموعة!!!
    شو رايكم مب شركة نصب هاي؟؟

    :ajeeb1:

  2. هالشركه سكرت وفتحت مرة ثانيه سنة 2004 .. لأن كان فيها نصاب سوري .. بس الحين انا وصلني خبرها من شباب الكليه .. مئات الطلاب داخلين فيها … ويأكدون استلامهم للمبالغ اللي يقولون عنها .. وانا اعرف سالفة هالشركه بس يوم شفت الطلاب وقعدت معاهم اقتنعت صراحه وان شاءالله بحاول اشد حيلي وبشوف وبخبركم اذا استلمت اول شهر ولالا .. تحياتي ,,,

  3. ليكون تقصد شركات النصب اللي يتصلون على الارقام الكشخة يقولولك فلوسك بتتضاعف وكل ما يبتلهم عضو يزيدونك كل شهر

    لا يقصون عليك …كله نصب

  4. دخلت قبل 5 سنين تقريبا ً و دفعت 1,300 درهم .. ولا استفدت شي قالو الشركة بندت مادري حصلت مشاكل المهم تعلمت اني مادخل في هالسوالف الي مب فاهم فيها و مب مقتنع.

Comments are closed.