ماهي أخر اخبار هذه الشركه والتي اغلق الاكتتاب الخاص بها هنا في المنتدى ؟

ممكن شرح تفصيلي لأخر الأخبار وهل في فرصه لدخول مستثمرين جدد ؟

بس عندي استفسار غامض نوعا ما ,, شركة سما تيليكوم تقدم خدمات الاتصالات ومن ضمنها الانترنت كما أعلن عنها اخيرا ,, لكن لفت نظري خبر في الجريده أن جميع خدمات الأنترنت ستقدم مجانا ابتداء من اول مايو القادم في مملكة البحرين ..!!!

ايضا بالنسبه لأسم الشركه تبين لي ان الشركه موجوده في الأردن وذلك في حال ارادت سما تيليكوم التوسع خارجيا في المستقبل ,, http://www.sama.jo/

3 thoughts on “sama telecom”

  1. هلااا اخوي رصاصة الرحمه

    صراحه فكره حلوه اللي سوتها ( شركة تو كونتاكت ) على هالدعايه اللي سوتها لنفسها

    لو تلاحظ اخوي ان الشركه اللي عارضه هالخدمه مش من الشركات الكبيره ولا هي مقدمة الخدمة الرئيسيه في البحرين هذا من ناحيه

    ومن ناحيه ثانيه هالشركه نشاطها نفس شركتنا يعني وقالت ان الشركه ان ( بتطرح الخدمه اذا مالقت اي تعقيد ) وهالجمله بروحها بس تحمل الف مغزى

    وغير هالشي قالت بتحاول ان تطرحها على 20 % من مستخدمي النت وغير جذي ماحددت نوع السرعه او الخدمه هل هي دايل اب او اس دي ال

    الفكره اللي سوتها هالشركه عباره عن تسويق لها كشركة عندها هالخدمات مثل الانترنت والبطاقه الدوليه وبهالاعلان قدرت تجذب كل القراء سواء في البحرين او في الخارج …

    عموما في حال وفروا الخدمه او ماوفرها ماراح يكون له تاثير لان مش هي المشغل الرسمي وهي عباره عن شركه نفس شركتنا وراس مالها مايتعدى الخمسه ملايين (( فهل تعتقد انها بتقدر تخدم خدمة الانترنت اللي تقدمها بتلكو اللي راس مالها بميات الملايين وبتقدر ان تاثر على حصة الانترنت من السوق ))

    عموما اخوي التصريح لو كان من بتلكو كان بقول لك صحيح بس من شركه ناشئه بقول لك شبه مستحيل لان شركه ناشئه صعب ان تقدم هالخدمه لبلاد كامله ومجاناا!!!

    اخوي رصاصة الرحمه وباقي الاخوان ياليت تقرون مابين السطور عشان تعرفون خطه من الخطط التسويق والاعلان وصراحه اهنيهم على هالخطوه ولو اني ماحبذها لان احس ان فيها استهلاك لمشاعر المستهلكين

    وبالتوفيق للجميع وشاكر لك طرحك ومسائلتك واهتمامك وياليت المره الجايه تتاكد من مصادرك اخوي وتكون مصادر رسميه لان كل المصادر اللي جبتها عباره عن مواقع انترنت مش مصادر حكوميه رسميه بس ترى هالتصريح صحيح وطلع من الشركه بس ياليت لو تقرونه كلكم عشان بعض من خطط التسويق

  3. مرحباااا اخووي

    اول شي شكرا على اهتمامك وسؤااالك

    ثاني شي الله يسلمك الشركه للحين مااغلق الاكتتاب فيها لان رفعنا راس المال الى مليون دينار ( عشره ملايين ) لكن اجراءات الاكتتاب تغيرت وبتكون كل التفاصيل موجوده بالنشره الله يسلمك

    وبخصوص مساهمين جدد ايوا للحين يصير الله يسلمك لكن للاكتتاب بيكون عن طريق الشركة مديرة الاكتتاب في السعوديه ( الا للي كلموني سابقا اول مانشرت الاعلان ) …

    وبخصوص خدمات الانترنت مجانا ثاني مره اسمع عن هالموضوع بس ترى ماسمعنا عنه بالبحرين ممكن الله يسلمك تعطيني وصلة لمصدر الخبر او يمكن الموضوع انفهم غلط بس حتى عموما لو كان اكيد احنا نشاطنا الاساسي بيكون على تقديم خدمات الاتصال الدولي ..

    وبخصوص الشركه اللي بالاردن طلعت صدفه بنفس الاسم ونفس الخدمات بعد فعشان هالموضوع قررنا ان يكون تعاون بينا وبين الشركه المذكوره في الاردن ويمكن ان شالله ان نوصل للاندماج بحكم خبرتهم في السوق قبلنا وان شالله نبدا معاهم المفاوضات قريب

    او ان بنغير اسم الشركه في حال ماتفقنا معاهم لان هم لهم الاسبقيه بالاسم التجاري وشي طبيعي بيكون اسم على رغبه المساهمين ولأي تفاصيل ثانيه ولا يهمكم سواء للمساهمين او غير المساهمين وبالتوفيق للجميع ان شالله

Comments are closed.