السلام عليكم ورحمة الله وبركاته
قبل 4 ايام تقريبا
قلت بدلع نفسي شوي
وسرت لفندق ( …. )
وسويت سونا وطبعا بللت جسمي قبل الدخول.
لما دخلت غرفة السونا
شفت الكعد متروس ماي
وجان اجبه ( اسكبه ) على الحصا >>>>>> حلوه هاي اسكبه
وجان اشوف الحرارة 110 سيليزي
وقلبت الساعة الرملية
وفردت الفوطة ونمت على ظهري
وطافت دقيقة
ودقيقتين
وما قمت أسمع غير نصخي
( الشهيق والزفير )
وحسيت بخشمي بشويه وبيولع من حرارة الغرفة
وتذكرت قوله تعالى:
( فَأَمَّا الَّذِينَ شَقُواْ فَفِي النَّارِ لَهُمْ فِيهَا زَفِيرٌ وَشَهِيقٌ )
وقوله تعالى :
( يَوْمَ تُقَلَّبُ وُجُوهُهُمْ فِي النَّارِ يَقُولُونَ يَا لَيْتَنَا أَطَعْنَا اللَّهَ وَأَطَعْنَا الرَّسُولَا )
وقلت بتم بشوف كم بتحمل
وتميت بالضبط 11 دقيقة
وطلعت أركض من السونا
وحسيت بدوخة
وحسيت انه عيوني بتذوب من الحرارة
اذا ما اقدر اتحمل السونا
فكيف بنار جهنم
وكيف أصر على ذنوبي
فالله المستعان
والله يرحمنا برحمته
فأسأل الله لي ولكم
العفو والعافية
والمعافاة الدائمة
في الدين
والدنيا
والآخرة
والسلام عليكم ورحمة الله وبركاته
يزاك الله خير أخوي قمر
أختي رجال الدين تبين هذا وهذاا
والمسلم يوم يفكر يسوي غلط اول شئ بيي في باله العذاب ،، يتذكر العذااب عشان يبتعد عن هالشئ
مثلاا:
أنا يوم أسمع أغاني ،، اقول في خاطري تخيلي انج تموتين في هاللحظة ،، شو بتسوي ؟
وين بتروحين من عقاب ربي في القبر والنار
نفس الشئ صلاه الفير
يعني اسلوب الترهيب اتوقع له اثر أكبر
سبحان الله ، دايما اتذكر النار لما اسير يم “الجوله” واحط ايدي جريب النار ، صدق كيف الانسان يتحمل ،،،
يا اختي نفسنا البشريه ما تتقبل اي شي ايخوفها او لا سمح الله ايخليها تتخيل العذاب ، نميل للاشياء المفرحه ، اعتقد واجبنا نحن انه نستمع لهل الشي ، مب انقول مسؤولية رجال الدين ووووو يعني انحط الملامه عليهم بكل شي ، حتى على درجه تقبلنا لأشياء واقعه لامحاله سؤال تقبلناها ولا له ،،،
الله اعلم
بس حسب معلوماتي هناك اسلوب الترغيب والترهيب
المشكله اسلوب الترهيب طغى على اسلوب الترغيب
وتسلم ع الموضوع
ليش دائما رجال الدين في المحاضرات يتبعون إسلوب التخويف بعذاب القبر،، وعذاب الجهنم،، والله الواحد صار يخاف يسمعلهم،، الواحد يحبب الناس في الدين ليش مايصفون الجنه ومحاسنها،، وغيره كله تخويف في تخويف،،