السلام عليكم ..
شحالكم يالربع ؟
علكم إلا بخير ..!
الله يطول بأعماركم ولد عمي يبا ياخذ له jeep srt8 ..
عندي كمن سؤال ..!
– شو إعتمادية الجيب ؟ وبالنسبة لخراباته ؟
– كم سعره حاليا فالوكالة ؟
– شو الألوان المتوفرة ؟
– بالنسبة للأضافات مثل سستم صوت وجي ؟ <<< هل موجودة فالوكالة ؟ وعلى كم الأسعار ؟
– شو الفرق بين موديل 2008 والـ 2009 ؟؟
– شو الموتر بشكل عام ؟ ع الخط ؟ القوة ؟
واللي جرب الموتر اتمنى ما يبخل علينا …
أسمحوا لي ع الإطالة ..
دمتم بود ..
الجيب طولي عمرك اذا ولد عمك بياخذه خله ياخذه من بوظبي سعره الحالي 220 الف والفرق بين 2008 و 2009 موديل 2009 فيه نفقيشن وام بي ثري وام بي فور وتلفون تقدر تطلب وياه ورنقات نفس الرنقات اللي اتييك عالوارد الامريكي وكبرو فتحات الجزوز اذا يبا يركب عليه سستم صوت واذا حب يركب عليه سوبر جارج بيوصل الهورس باور 550 حصان وهذا كله في وكالة بوظبي وبيكون عالضمان وبيمشي في المرور عادي بحكم انك طالبنه من الوكاله بالتزويد اللي عليه والضمان ما يطير عنه اما اذا اخذته من دبي بس مجرد تحط عليه سستم صوت اللي هو ( هدرز ) الضمان بيطير عنه ومن ناحية انه من دون تزويدالهورس باور ماله وهو وكاله 420 حصان ومن ناحية القومه طياره وعالخط اييب لين 290 كيلو طبعنا هذا موديل 2009
خقاق عنده واحد <<<<<<<<<< ههههههههه
وفيه لون يديد برتقالي بس بالطلبيه ويمكن يقولون ما نقدر انييب لك اللون البرتقالي واذا ولد عمك عزم ياخذ باذن الله خله ياخذ اللون السلفر والله يوفقه
والسموحه منك يالغالي واي سؤال انا حاضر
الله يوفق الجميع ان شاء لله ..
والسموووووحة ..
هو ما بياخذه في هالوقت ..
ناوي عليه بس عقب شهر او شهرين ..
تسلم ع الرد .. والسموحة ..
بالتوفيق ان شالله
طول بالك وخل ولد عمك يطول باله معانا في الحمله
إذا كان يقدر
بس بالنسبه لهذا الموتر ماعليه كلام انا جربت سواقته زعيم
موفق