***Top rpo*** طبخة s3ed

السلام عليكم

اليوم مسوين لكم سي فود

اسم الطبخة هذة

Top rpm

انا مسمنها طبعا

ندخل على طول

المكونات
مثل مانشوف في الصورة

1- ربيان منظف من جهة الظهر
2-نغر (حبار)
3-حبول (بيض سمك)
4-حبول نغر

هذة الخلطة (البهار)
1- ملح
2-فلفل احمر
3-فلفل اسود
4-كركم
5-ماسترد(صلصة خردل)
6-نص كوب ماء
نخلطهم مع بعض ونسوي منهم شبة سائل نخلط فية الربيان واللي ومعاة نغر وحبول ونخلية نص ساعة

خضرة
1-بصل احمر
2-بصل اخضر
3-ثوم احمر (ثوم جبلي )
4-طماط

بعد مانخلط الربيان مع خلطه البهار نصفة في صحن الألومنيوم

نحط تحت البصل وفوقة النغر وبعدة الربيان واخر شي الحبول ونحط الخضرة فوق

ونعطية كم رشة حنان تباسكو

نسكر الألومنيوم عدل ونشب الضو لين ماطيح ونحط الصحون فوقهن مايحتج نار قوية خلة من 30-35 دقيقة وبعد ماتشم الريحة خلة 10 دقايق وبعدين يكون معاك نفس الصورة

وبعد ماتطلع الريحة الناجحة افتح الألومنيوم وسمي بالرحمن

وسلامتكم

وحاضرين لآي استفسار