شباب بس حبيت اسألكم عن شي و اللي عنده خبره ياريت يفيدني
انا اشتريت موتر من عند ( 1 ) و سوالي ورقه مبايعه … الـ ( 1 ) مب راعي الموتر ولكن في شخص ( 2 ) اللي هو راعي الموتر عطاه الموتر و قال له يبيعله ..
يعني في ورقه المبايعه مسجل اسمي انا ( المشتري ) + البائع ( 1 ) ….
و يوم يا وقت التنازل راعي الموتر ( 2 ) قال لي انه عليه مخالفات و من هالكلام .. قلت له مب مشكله الملكيه باقيلها 3 اشهر و ما بضغط عليك .. المهم انته ادفعهم ع راحتك و وقت ما يخلص التأمين بنحل المشكله لنه يمكن عنده ظروف فالبيت ولا التزامات او او او ف ما حبيت احرجه … 
المهم استوت عندي ظروف .. و بعت الموتر ل حد ثالث ( 3 ) … الريال عطاني نص الفلوس و قال النص الثاني عند التنازل
دقيت عل ريال اللي هو راعي الموتر ( 2 ) قلت له الموضوع .. و قال فالك طيب بدفع المخالفات ع اول الشهر ..
و السالفه من شهر تقريبا و كل مره يعني يطنش و ما يرد و يقول مشغول و و و و …..
ف ابا اعرف .. اقدر اخذ حقي منه … ولا مثل ما يقولون القانون لا يحمي الـ احم احم
راعي الموتر ( 2 ) يالس يطنش ..
و اللي انا بعت له الموتر ( 3 ) يتحراني نصاب و اني خذيت فلوسه و بسرقه و يالس أأجل الموضوع ..
الحمدلله مب متعود اكل فلوس حرام ولا انصب ع حد
بس اريد احل المشكله الحينه ف ياريت حد يفيدني و يقولي شو لازم اسوي 
والله ياطوييل العمر مدري شو اقول لك
الله يعينك ع بلوااااك
قبل كنت تثق فالناس وخصوصا عيال البلاد لكن هالنوع من الناس يفقدك الثقة ف كل حد ماتعرف تثق ف منو ولا منو
الله يعينك
انا اقول مثل ما قال خوشمه الي قبلي سير المركز وقول لهم السالفة وان شاء الله بيحلون الموضوع
اذا اللي باعلي الموتر غلطان .. اظن انا بعد بطلع غلطان لنه اانا بعد بعت الموتر ل واحد ثاني !!!
و انا يوم بعت الموتر للمره الثانيه للريال روحت عند معرض عسب اسوي ورقه مبايعه …
ما طاع .. قال لازم المالك يكون موجود .. قلت له انه احنا قبل سوينا عنده بنفس الطريقه ..!! قال لا لا ما يصير ..
دقيت على اللي باعلي الموتر اول شي ( 1 ) و خبرته انه راعي المعرض ما يسويلي ورقه مبايعه .. ف قال عطني اياه و كلمه و طلعوا ربع .. و سوالي ورقه مبايعه ..
حزتها عرفت السالفه فيها ( إن )
انا راي واحس انه افضل راي
اتروح الشرطه وتخبرهم الشالفه كلها من طأطأ لين السلام عليكم
لانه الشرطه بيجبرون البائع ( 2 ) انه يخلص اجراءات الموتر
وبعدين كيف البائع ( 1 ) يبايعك موتر مب له؟؟ تقدر تشتكي عليه لو حبيت
احس هذ افضل حــــل والسموحه منك وربي يسهل عليك مشكلتك
ياخوي كيف اهدد الريال ..؟؟؟؟
الورقه الاولى للمبايعه البائع ما كان موجود !!! يعني يمكن هو اللي يسحب عني الموتر .!!
و انا كلمته بالطيب و كل مره يطنش ..
الظاهر اخوي انك ما فهمت مشكلتي عدل , يا ريت تقراها مره ثانيه عسب تعرف شو قصدي
الله يهديك اخوي بس تبيع الموتر وبعده مب مسجل باسمك سر عند الريال 2 وقوله يعجل ولا انك بتلجا للقانون وهو هني بيخاف وبيدبر اموره بسرعه وبتشوف صدقني