السلام عليكم
اتوقع انه وايدين من اعضاء المنتدى مخلصين المدرسة من زمان (وهالشيء واضح من ردودهم الواقعية في المناقشات) لذا فكّرت اسوي رفرش لذكرياتهم القديمة ^^
اكثر شيء يضحكني بيني وبين نفسي يوم الوالدة تذكّرني بحالتي في الصف الاول و الخوف و الى كنت فيه وتقولى انها هي كانت تحل واجباتي ههههههه وموقف ثاني يوم كان المقاليع في المدرسة يفرون غرش صغيرة فيها ماي بواليع ههههه في الصفوف يدش الواحد منهم والاستاذ يشرح وييب فليت ريحته خايسة يفج الباب ويرش ويسكره بعد ويروح الصف اللى وراه هههههههههه
ياهي ايام
أنا شرات أختى غلا بوخالد شاطره من الاوائل ومشاغبه فدتيني والله …مدرساتي مال كل المراحل يذكروني لما اتشاوف معاهم في عرس ولى جمعيه
شطانتي ظهرت أيام الاعداديه …. أنا ما كنت أحب حصص الاحتياط المدرسات الثانيات ياخذونها طبعا كنت أشرد وأشرد معاي بنات …
في ثالث اعدادي مدرسة العربي الله يذكرها بالخير ابله فاطمه خذت حصة الاحتياط … من وصلنا الخبر أنها هي علينا …ولى أعفد من الدريشه وكمن وحده عفدت وياي بس يحليلها وحده كانت شوي متينه مارامت وعلقت حزتها الابله دخلت …..طبعا ما سرنا بعيد قعدنا في ساحة الرياضه وراء الصف ….
وسارت الابله خبرت المدرسات الباقيات … فديت مدرساتي الي أحبهم ما صدقوها اني أنا رئيسة العصابه …الشطاره تلعب دور …نفعتني وايد
في الثانويه نقعنا شلق تحت كرسي المدرسه …اسمي انها تروعت زين ما يتها السكته …بس بنتين كلوها الي يايبه الشلق والي حطته والبقيه المشاركين ما ياهم شي بس هزاب من المديرة المدرسه
طبعا شردات حصص الاحتياط لين ما خلصت الثانويه وما نسير بعيد نقعد قريب الصف … مره تفاجات مدرسة الفيزياء لما شافتني شارده …انتي ما اصدق … خبرتها السالفه ….وقلت لها عندي اكتفاء خلاص ما استوعب زياده ضحكت وخلتنا ….
الحصه الرابعه بعد الفسحه يوميا أنا وشلتي نرجع الصف بعد مرور 10 دقائق …قولو ليش …لاني ضعيفه وقصيره فما كنت اروم ازحام العمالقه عند المقصف ….فكنت اسير اشتري لما يدق الجرس طبعا نقعد نحاوط لين ما اخلص … صديقاتي مستغليني صح كوني شاطره والمدرسات يحبوني أنا في وجه المدفع وهم وراي …أدخل الصف واوقف عند الباب أحصل الهزاب واشرح للمدرسه ليش متاخرين… تسامحنا واتقول ادخلو …ساعات يوقفونا وراء في الصف بس يرضون علينا لما يشوفني أشارك وارفع ايدي ….دوم نحصل العفو اذا محد في الكلاس عرف يجاوب غيري أنا …فديتني ….والله أنها ايام
ومره في حصة الاحياء في المختبر ينا متاخرين كالعاده …الابله دخلتنا وقعدنا وراء على الطاوله ما نحب نقعد على الكراسي ….من دخلنا وهي كانت تردد تعريف شئ ما أذكر بالضبط …طبعا طلبت من زميلاتي الي معاي متاخرين …بدت الحبوبه تتاتى وما حفظت التعريف …وانا قاعده أغششها لاني بسرعه أحفظ …جان تطلب مني أقول التعريف …واشوف نظرات الاستغراب على وجها … دوم يسامحون شلتي اذا أنا وياهم …اذا بدوني ياكلونها يحليلهم ……
طبعا المدرسات شفقو على حالتي أني ما اروم ازحام العمالقه في المقصف… يحليلهم مصدقين السالفه … خلو مالت المقصف تمر علي الكلاس قبل الفسحه قبل لا تخلص الحصه الثالثه …طبعا وحده من المدرسات معاها …سمعتني كلام من اليوم ورايح ماشئ تاخير …قلت لها أن شاءالله ….بس مع ذلك ما تبت
مدرساتي كانوا منخدعين فيني …والله يسامحها الاخصائية الاجتماعيه …كل سنه كانت تفرقني عن الشله الي اتوالف معاهم بس ما كانت تدري أني اجتماعيه وبسرعه اندمج …حتى يوم انتقلنا مرحله ثانيه و مدرسه ثانيه الحبيبه موصيه ان ما يخلوني مع شلتي …اسمي ضيجت اول اسبوع بالذات مدرسه يديده وكل شئ يديد ..بس ما عليكم انسجمت وصارت لي شله يديده …..
هذا كل ما في جعبتي ,,,,
أن شاءالله ما طولت عليكم ….
لا تنصدمون فيني …
العفوو يـآخوي
. . .
لآ عــــآد نحن البنآت مآ نستخدم العنف . . .
مآ بيخلونآ نوقع ع التعهدآت إلآ على طول فصل دونَ سآبق إنذآر . . .
( الأمُــور طيبه)
.
.
.
غلا بو خالد
شكرا على المشاركة الطريفة و الجو الجميل اللي اضفتيه للموضوع
بالنسبة للفتانين، أيامنا كنا نيوّد الفتان في الفسحة و نضربه لين يقول بس، طبعا في الساحة الخلفية هههههها
خارج النص
( تخيلي لو يحذفون الموضوع !!! و السبب مكرر )
التعب كله بيروح عالفاضي
.
.
.
احلى ذكريات عندي أيام المدرسة إني ماكنت احضر حصص الموسيقى ولا الرياضة
استاذ الفـــــــن كان ياخذني و يخليني ارسم لوحات حق المدرسة
لعنبو الإستغلال هههههههههههههها