اخواني الغالين ، لكل شخص وده يرزقه الله بالذريه الصالحه حبيت احط هالمعلومه لكم لاني قبل ما استخدم دواء بروكسيد بلس كنت اتسائل ولا القى جواب ولكن بفضل
الله ثم تجربتي لهذا الدواء راح اعطيكم الشي الي حصل لي خلال الفتره الشبه طويله .
انا لي ٣ سنوات ما الله رزقني بعيال وكنت حاط ببالي ان زوجتي هي الي فيها المشكله ولكن بعد ما قالي الدكتور سو لي فحص للسائل المنوي كانت الطامه الكبرى لي . فكان عدد الحيوانات المنويه كثير وغير مقبول
وكانت حركة الحيوانات المنويه النشيطه صفر والمتوسطه تقريبا ١٥ والخامله جدا هي الاكثريه . فوصف لي الدكتور دواءاً اثنين وهم مكملات غذائيه
١- بروكسيد بلس . (سعر العلبه ٣٥٠ تقريبا. فيها ٣٠ ضرف كل ١٢ ساعه ضرف واحد قبل الاكل بساعه)
٢- زنك ACE ( حبه كل ٢٤ ساعه بعد الاكل افضل علشان لاتسبب مغص ).
٣- تبطل تدخين نهائي ( مع العلم اني راعي شيشه فقط ) .
استمريت عليهم لمدة ٣ شهور ولكن التدخين كان العائق الوحيد ولكن كانت النتيجه مرضيه بعد فضل الله وهي
سرعة الحيوانات المنويه ارتفعت من
صفر الى ٢٥٪ نشيطه
الخامله صارت ١٥٪ ( تعتبر مفيده على كلام الدكتور)
الغير نشطه ٦٠٪ ( مامنها فايده )
عدد الحيوانات نزل من ٢٣٠ مليون الين ٤٤ مليون ( الدكتور مبسوط لانها نزلت لان كثرتها غير مفيده )
قالي استمر على الدواء لثلاثة اشهر اخرى وان شاء الله راح تزيد الحركه .
حطيت هالموضوع لكي اطمنكم ان الدواء ممتاز وعلشان نفسية الشخص ترتاح.
اتمنا لكم ولي ان يرزقنا الله الذريه الصالحه المعافاه ولا تنسوني من دعواتكم الطيبه .
