انا داخلة علي ال 18 سنة و في تاني جامعة و اختي عندها داخلة علي ال 20 و في رابعة جامعة , و مامي و بابي عمرهم ما فرقوا بيننا في المعاملة من كل النواحي
سواء بقي من ناحية الاهتمام او الحب او حتي الناحية المادية , و مع ذلك و رغم ان الفرق اللي بيننا مش كبير الا انها بتكرهني و بتغير مني اوي معرفش ليه ؟! مع اني عمري ما عملتيلها اي حاجة وحشة خالص و
الله , و من ساعة ما اتولدت و هي بتكرهني و عمرها ما حسستني انها اختي و بتعامل كل الناس احسن مني مليون مرة و تيجي عندي ما اشوفش منها غير الضرب و الشتيمة و مامتي و بابايا عارفين تصرفاتها دي بس مش
عارفين يغيروها , من وانا صغيرة و هي بتقولي انا بكرهك و ياريتك ما اتولدتي و مامتي بتقولي ان هي مكنتش عايزة يبقي ليها اخوات علشان تفضل هي اللي متدلعة و مهتمين بيها طب يعني انا ذنبي ايه انا مامتي و
بابايا خلفوني يعني اروح اموت نفسي يعني علشان ترتاح , ده انا حتي لما بكون تعبانة او عيانة و مامتي تهتم بيا تقولها انتي بتصدقي انها تعبانة بجد دي بتمثل و باين اوي يعني !!! مع اني و الله
عمري ما مثلت اني تعبانة علشان اخد اهتمام مامتي ابدا , و علي طول شتيمة وزعيق بجد انا ساعات ببقي نفسي اموت نفسي علشان اخلص و اخلصها مني , ااقرب حاجة حصلت كانت امبارح الصبح و بابايا و مامتي مش
موجودين كنت فاتحة اللاب توب بتاعي و معلية الموسيقي علشان كنت بعمل رياضة و قافلة باب الاوضة و فجأة لقيتها بتفتح الباب بقوة رهيبة لدرجة ان كان في سبوت فوق الباب وقع من مكانه !!!! و ألاقيها داخلة تزعق
بصوت فظيع لدرجة ان انا وداني كانت بتصفر منه !! و ألاقيها بتقولي هو انا مش عمالة اقولك اطفي الزفت ده مطفيتهوش ليه و لا عاملة نفسك طرشة و انا واقفة و مش عارفة ارد افول ايه لأني فعلا مكنتش سامعة
حاجة من برة , فجأة لقيتها بتقولي لما اكلمك تردي عليا و قامت نازلة فيا ضرب جامد و بكل قوتها بايديها و رجليها في كل جسمي لحد ما اغمي عليا في ايديها و فقت بعد كده لقيت نفسي علي الارض و لقيتها هي
قاعدة علي السرير بتاعي و ماسكة مجلة و قعدة تقرا و قالتلي بقي عاملة نفسك مغمي عليكي علشان مضربكيش لأ مش عليا انا الكلام ده !!!!!!!!! و قالتلي عارفة لو كلمة من اللي حصلت دي طلعت لماما و لا لبابا
حخلي نهارك اسود و قامت خارجة من الاوضة و رازعة الباب حتي محاوليتش تقومني من علي الارض و انا مكنتش قادرة اقوم من كتر الضرب , بجد انا طول عمري بقول لنفسي اوعي تكرهيها دي اختك برضو و مالكيش غيرها
لكن انا خلاص و الله مابقتش قادرة استحمل قولولي اعمل ايه بدل ما اموت نفسي لأني تعبت بجد :(:(
