هو الزمن دا معتش ينفع فيه الطيب انا اتحملت كتير اوى اوى اوى علشان ارضى اللى بحبها وحصل مشاكل كتير ووقفت قدامها وعملت حاجات كتير غلط واضايقت بس لما كانت
بتقولى اسف كنت غصب عنى بسامح مع ان عملت حاجات مينفعش اسامح عليها وعملت المستحيل وفوق المستحيل علشانها والله انا ضيعت مستقبلى علشانها انا فى تالتة ثانوى وعلمى والله نسيت كل حاجة فى حياتى علشان اعملها
كل حاجة اقدر عليها مفيش دقيقة بتعدى وانا بعيد عنها وانهاردة بكلمها على النت كلام كله مفهوش غلطة فقولها متبعديش عنى ياحبيبتى انا بحبك وكل اللى بطلبه منك متشوفيش غيرى ولا انا اشوف غيرك ونبقى مع بعض
كويسين ؟ قالتلى تشوف غيرى عموما ميرسيه وقفلت بعتلها رسالة على الموبيل قولتلها انا بصراحة عمرى ماعت هستحمل كدا انا بعمل االمستحيل علشان ارضيكى وانتى مفيش خالص ليه يعنى كل ده انا بقى زهقت ؟ وقولتلها
انا هقفل الموبيل ومش هفتح نت تانى علشان اريحك خالص وعملت كدا فعلا بعديها بساعة كدا ااتصلت على التليفون الارضى وبتتأسف ؟يعنى هى تزعل منى وقت اما تحب وتصالحنى وقت اما تحب خلتنى حاسس ان انا ماليش اى
حقوق مع انى والله اديتها حقوق على حقوقها اللى تتمناها اعمل ايه بس وفى نفس الوقت مش قادر ابعد عنها ابدا ابدا ابدا مع انى كنت مواعدها انى هروح واخد كلمة من اهلها فى الصيف الجاى يعنى اروح لاهلها واتقدم
بس كمبدأ ان هما موفقين بيا وكمان سنيتين او ثلاثة اتقدم ليها رسمى خطوبة ودبل وكدا وهى موافقة وقالت لاختها ومامتها يعنى اذا هى بتحبنى وفى نفس الوقت مش عارف ليه كدا ........... عموما اللى عنده كلمه حلوة
يقولها واللى مش عنده يوفر كلامه لنفسه مش عاوز حد يحبط فيا علشان انا محبط لوحدى
