الانترنت
الانترنت عبارة عن نظام عالمى لتبادل المعلومات والبيانات عشان تنقل البيانات بطريقة تبديل الحزم باستعمال بروتوكول الانترنيت القياسي (Standard Internet Protocol -IP) عن طريق مجموعة من الكمبيوترات
المتوصلة ببعضها, و بتتكون من مجموعة من الشبكات الصغيرة في البيوت و الجامعات و الشركات و الحكومات و المتوصلة ببعض علشان تدينا شبكة واحدة كبيرة, والكمبيوترات دى بتتوصل بمجموعة كبيرو من التوصيلات
المختلفة زى كابلات فيبر اوپتيك (Fiber Optic), الأسلاك النحاس, لاسلكي و وسائل تانية كتير علشان تعمل شبكة عالمية كبيرة ممكن عن طريقها نتبادل الفايلات ونعمل شات و نلعب على النت و نعمل ايميلات.
بدايته
الانترنت ابتدا زى شبكة صغيرة أتعملت بين مجموعة من العلماء الأمريكان (في 1959) علشان يقدروا يتبادلوا الملفات بينهم بسرعة في أطار برنامج أمريكي اسمه (وكالة مشروعات الأبحاث المتقدمة أو advanced research
projects agency) وبعد كده مر الأنترنت بمراحل تطور كتير لغاية أما وصل للنت بتاعنا دلوقتى.
النت دلوقتى
النت دلوقتى وصل لتطور كبير جدا, ممكن تدخل على النت من أى مكان لاسلكي سواء بالموبايل أو اللاب توب وعلى فكرة الانترنت لغته الأساسية هي الانجليزي و بس علشان أصول الانترنت الأمريكانية و علشان الإمكانيات
الضعيفة بطاعة كمبيوترات زمان
استخداماته
الانترنت ليه استخدامات مالهاش عدد, بس أهمها
1.الايميل (e-mail) علشان يرسل و يستقبل الرسايل من الكمبيوترات والموبايلات
2.علشان الواحد يتفرج ع الفيديوهات و الكليبات
3.الدخول على اى كمبيوتر من اى كمبيوتر تانى بتاعك
4.سمع المزيكا وراديوهات اونلاين
5.تبادل الفايلات والمعلومات
6.الشات في النت سواء صوت بس أو صوت و صورة
7.الكلام مع شخص تانى من الكمبيوتر بس بالتليفون(يعنى من الكمبيوتر للتليفون)
8.عشان الواحد يبعت رسايل فاكس و SMS
9. اللعب مع ناس تانية ع النت
10. التعرف على ناس تانية و وشوش جديدة
11. التسويق
12. داونلود اغانى و فيديو
لمزيد من المعلومات
