هدي من علامت ساعة ملاحضة منقول الموضوع من منتدى فتاكات
و كتبتي مصر تحتل امريكا مثلا....هيترجمها للانجليزي Egypt occupies America عادي خالص
انما لو كتبتي مصر تحتل اسرائيل هيترجمها Egypt is israel
ولو كتبتي مصر تحتل بريطانيا هيترجمها Britain occupies Israel
ولو كتبتي مصر احتلت اسرائيل هيترجمها Israel occupied Egypt
طب ايه بقى الحوار ده؟؟؟؟ واشمعنى اسرائيل؟؟؟ طب ماهو بريطانيا كمان برضو بيترجمها لصالح بريطانيا
طب جوجل بقى عميل لاسرائيل ولا عميل لبريطانيا؟؟
واشمعنى مابيترجمش مصر تحتل أمريكا لحساب امريكا (يعني اشمعنى بيترجمها صح)
طب بس احنا عارفين ان جوجل امريكية...معقولة تبقى عميلة لاسرائيل وماتبقاش عميلة لامريكا
اللي هيه بلدها أصلا؟؟؟!!!
قبل مااجاوبكو عالأسئلة الكتير دي
عايزة بس اوضحلكو حاجة
احنا كلنا عارفين ان بني صهيون او الاسرائيليين مناهم وحلم حياتهم انهم يحتلو البلاد العربية اللي
من النيل للفرات وتكون دولة اسرائيل العظمى...صح؟
طب ايه هيه البلدان اللي من النيل للفرات؟؟
بتبدأ من مصر (النيل) مرورا بلبنان وفلسطين وسوريا ولبنان والعراق (الفرات)
وعارفين ان الاسرائيليين خايفين من توحد العرب وان اننا نهزمهم لان دي من علامات الساعة
وهمه نفسهم عندهم الكلام ده في التوراه بس همه بيكابروووووووو
يعني من الاخر عندهم عقدة
اللي عايزة اقوله كالآتي
لو كتبتي العراق تحتل اسرائيل هيترجمها برضو Israel occupies Iraq
الله!!!...يعني مش مصر بس
ولو كتبتي لبنان وسوريا وفلسطين طبعا كذلك هيديكي نفس الكلام
في حين انك لو كتبتي كده مع امريكا هيترجمها صح
جوجل مش عميل لاسرائيل ولا حاجة...في حاجة لازم تفهموها
الترجمة دي ترجمة الكترونية بتترجم تلقائي..يعني مافيش واحد قاعد على جوجل بيترجم بنفسه الكلام اللي بيتكتب فاهمين قصدي؟؟
في خاصية في جوجل اسمها اقتراح ترجمة افضل او better translation
الخدمة دي لو انتي ترجمتي كلمة مثلا واداكي معاني مش صحيحة اوي تقدري تعدليها
ولو نسبة التعديلات اللي جت على ترجمة الحاجة دي كانت كتير...يبقى جوجل بيغيرها تلقائيا
فهمتو؟؟
يعني بالشفتشي كده....الاسرائيليين وهمه قاعدين على جوجل...كلللهم طبعا فاهمين عربي
فكل واحد بيعمل اقتراحات تعديل لترجمة الجمل دي اللي فيها البلدان اللي قلتها بالذات بحيث انها تترجم لحساب اسرائيل وبالزات مصر طبعا ...وتقوم باعتة الإقتراحات دي لجوجل...وجوجل تلقائيا لما بيلاقي
التعديلات كلها جاية على ترجمة جملة معينة بتتعدل اوتوماتيك
كلكم هتقولو جبتي التفسيرات دي منين
انا عملت سيرش وقريت كتير عشان افهم الموضوع ده لان بجد ماكانش منطقي ان جوجل تبقى عميلة لاسرائيل وامريكا لا
ادخلو على الصفحة دي من جوجل فيها معلومات عن خدمة الترجمة بالتفصيل
http://translate.google.com/about/intl/en_ALL/
ياجماعة بس احب اشدد على نقطة بلاش ارجوكم تتهمو شاب شريف في حاجة زي دي
حرام حرام ترمو حد بالباطل
الاخت اللي بتقول وائل غنيم عميل اسرائيلي والكلام ده حرام كده ده رمي بالباطل
ده كلام هتتحاسبو عليه خللو بالكو
هوه مالوش اي ذننننب
ارجو انكو تكونو فهمتو قصدي
