من حظك اني سألت من قريب عشان خلاص قربت اجيب الإعفاء النهائي انا كمان
كنت محتاج اعرف منك تفاصيل اكتر عشان اقدر افيدك لأنك نفس حالتي بس عموماً هاقوللك على الحلول كلها و انت تقرر حسب ظروفك :
لو عملت شهادة إعفاء مؤقت قبل كدة يبقى كل المطلوب منك : صورة من شهادة الإعفاء دي - صورة من بطاقتك الشخصية - قيد عائلي جديد - صورة من بطاقة والدك (على سبيل الاحتياط)
لو ما عملتش شهادة قبل كدة يبقى تجيب : بطاقتك العسكرية - صورة من بطاقتك الشخصية - صورة من بطاقة والدك - قيد عائلي جديد
الاستلام تاني يوم
_________________________
لعمل القيد العائلي أول مرة مطلوب صورة فقط من :
بطاقتك - بطاقة والدك - بطاقة والدتك - بطاقات اخواتك البنات اذا كانوا فوق 16 سنة أو شهادات ميلادهم لو كانوا أقل من 16 سنة - عقد جواز والدك و والدتك (رقم قومي)
أما لو عملت قيد عائلي قبل كدة فكفاية بس تجيب صورة من قيد قديم و صورة من بطاقتك و قدم على طول
الاستلام بعد 3 أسابيع
__________________________
أهم حاجة تكون بياناتك كلها سليمة و ورقك كامل
لأني اتعطلت شوية في ورق الجيش مع إني وحيد بسبب تكميل ورق ناقص و تصحيح بيانات غلط
