Question

ماهو usb مودم ........ وايه افضل عروض من الشركات الثلاثه فودافون موبينيل اتصالات

Answer 1

اتصالات أحسن مودم حول لنظام الكارت الشهري و اشحن ب 19 جنيه يديلك 110 ميجا سرعة تحميل عالية بعدها تبقى سرعة التحميل 8 كيلوبايت في الثانية
أو اشحن ب 49 جنيه يديلك 500 ميجا
أو اشحن ب 150 جنيه يديلك 6 جيجا
اتصل بخدمة العملاء 333
شكرا

Answer 2

احسن نت على الاطلاق من اتصالات .. لان فودافون جربته من قبل وهو يحتاج لشحن كروت كتير وغير موفر بالمرة واذا حاولت الاشتراك فى خدمة الفاتورة يطلبوا منك رخصة
عربية بشرط ان العربية تكون موديل حديث او حساب لرصيد فى البنك او وضع مبلغ 500 جنيه تامين .. الخ طلبات غريبة وليس لها معنى حتى انى قلت للموظف فى فودافون مش محتاجين عقد ملكية لاحدى جزر هاواى ؟ اما
موبينيل شركة فاشلة بكل المقاييس .. قمت بتجربة اتصالات الفاتورة انترنت غير محدود فقط ب 150 جنيه مع العلم انى فى احد الشهور اشتكيت من بطء النت فقامت الشركة بخصم نصف الفاتورة ودفعت 75 جنيه فقط بصراحة
شكرة محترمة جدا جدا من خلال تجاربى مع النت فى الثلاث شركات .. وفى نقطة تانية طبعا انظمة الكارت فاشلة فى التلات شركات لانها تحتاج لمن يكون استخدامه للنت قليل يعنى يفتح يشوف الميل ويقفل .. و اتصالات
مرخصة سعر الميجا جدا فى الكارت عن الشركات الاخرى

Answer 3

شكلة قريب من الفلاشة شوية وبيستخدم كوصلة نت بس متنقلة هو بييجي معاة خط والخط دة بتشحنوا اما بالنسبة للشركات فودافون اقل فئة للشحن كارت ب25 والusb نفسة ب99
جنية اما موبينيل بنفس السعر بس ممكن تشحن باي حاجة حتي لو جنية بس المشكلة ان الدون لوود لاي حاجة غالي جدا  بس اتصالات معرفش بس اما سالت موبينيل احسن حد

Answer 4

خش على اتصالات وادخل نت ببلاش زي مانا بعمل كده وبكلمك عالنت ببلاش .. ليه تدفع اكتر لما ممكن ماتدفعش خالص. واليكم الطريقه ابحث عن برنامج اسمه تور فيداليا وركب
خط اتصالات عادي موش داتا وشغل برنامج التور فيداليا وادخل عالنت مجانا بسرعه 100 كب/ث

Answer 5

عن تجربة للثلاث شركات لخدمة الانترنت يو اس بي من أكتر من سنة ونص فأفضل شركة انترنت كخدمات هي موبينيل يليها فودافون وبعد كده اتصالات , واتصالات الحقيقة تعبانه
جدا كخدمات وكخدمة عملاء ودي يمكن اللي مخلي عروضها أفضل من موبينيل وفودافون.

Answer 6

خش على اتصالات وادخل نت ببلاش زي مانا بعمل كده وبكلمك عالنت ببلاش

Answer 7

هو اتصالات كويس جدااااااا     فى ناس بترجحه وانا ان شاء الله هاشترى
وزى ما سئلت ان لو اشتركت فى اتصالات usb modem مثلا باق شهريه 19 جنيه  هتاخد 110 ميجا وبعد ما تخلص ال110 ميجا
مش ها يفصل
لا ها تشتغل عادى جدا جدا
بس فى حاجه  السرعه ها تنزل الى 64 ك/ث
وممكن تتاكد عن طريق الموقع الرسمى
http://etisalat.com.eg‏

Answer 8

أنا يا جماعة بكلمكم من مودم اتصالات ، وبجد هي شركةمحترمة - والخدمة فيها ممتازة والباقة اللي أنا شغال عليها 19 بلا حدودبس بعد ال110 ميجا ما بيخلصوا - النت مش
بيفصل - لكن شغاااااال وكمان داون لوود بلا حدود - بس بيقل شوية في السرعة

Answer 9

افضل عروض هيا بدون جدال (موبينيل واتصالات)
ليه؟
علشان الانترنت فيهم من 19 الي 20 جنيه في الشهر وكمان بلا حدود

Answer 10

أنا عندي مودم إنترنت اتصالات بنظام الكارت ، بدون اشتراكات :
عن تجربة مع شبكة اتصالات و شبكة فودافون :
شبكة فودافون هي أفضل كثيرا من اتصالات في مجال مودم الإنترنت ، لهذه الأسباب :
1- مودم فلاشة فودافون USB  يدعم سرعة 7.2 ميجا وثمنه 99 جنيه فقط ، لكن مودم اتصالات لا يدعم إلا سرعة 3.6 ميجا بحد أقصى ، وثمنه أيضا 99 جنيه !! ومودم فودافون هو أكثر تطورا من مودم اتصالات .
2- باقات فودافون أكبر بكثير من باقات اتصالات ، فمثلا في باقة 49 شهري ، تمنحك اتصالات مساحة 500 ميجا فقط بسرعة أساسية قدرها 1 ميجا مع سرعة تحميل 90 كيلوبايت فقط أثناء مساحة الباقة ، ثم بعد نفاذ الباقة
تهبط السرعة الأساسية إلى 64 كيلوبايت وسرعة التحميل إلى 7 كيلوبايت فقط ، أما مودم فودافون ، فإن الباقة على نظام 50 جنيه ، تمنحك مساحة للتصفح بمقدار واحد جيجا + مساحة تحميل فقط بمقدار 500 ميجا ، يعني
كله يساوي 1.5 جيجا ، وليس 500 ميجا فقط مثل مساحة باقة اتصالات .
3- سرعة مودم فودافون الأساسية على باقات إنترنت الكارت تصل إلى 1.5 ميجا ، لكن مع اتصالات
لا تتجاوز 900 كيلوبايت للسرعة الأساسية .
4- بعض الأنظمة على إنترنت مودم اتصالات بنظام الكارت ، تفصل من الشبكة بدون سبب ، أنا خسرت مبلغ 150 جنيه كروت شحن اتصالات ، بسبب أنظمة شبكة اتصالات الفاشلة ، التي تفصل بدون سبب معروف على نظام 49 جنيه
الشهري !!
5- خدمة عملاء اتصالات مصر ، زبالة ، زبالة ، بمعنى الكلمة ، يقفلون الخط في وجه العميل ، ولا يحلون أي مشكلة في الدعم الفني ، ويتعصبون على العميل بسرعة ، ويتهربون من الإجابة الصحيحة على مشكلة العميل .،
ويجعلون العميل يخسر كروت شحن بسبب أخطاءهم الساذجة .
6- خدمة عملاء فودافون : ممتازة ، دعمهم الفني أيضا جيد ، فهم يحترمون عملاءهم إلى أبعد حدود .لكن في اتصالات خدماتهم كلها زبالة ، عن تجربة .
7- شبكة اتصالات هي الشبكة الأولى في مصر من ناحية خدمات المحمول ، أما من ناحية مودم إنترنت 3G فهي سيئة جدا في كل خدماتهم وأنظمتهم ، عن تجربة ، شبكة فودافون أفضل منهم بكثير من كل ناحية .
8- إشارات شبكة فودافون أقوى بكثير من إشارات شبكة اتصالات ، كما أن فودافون شركة أوروبية المنشأ وعالمية ، في معظم دول أوروبا ، لها خبرة أكثر من شبكة اتصالات في كل النواحي .
ابتعد كل البعد عن شبكة أم نبيل ، فهي أسوأ شبكة محمول في مصر ، من كل النواحي ، عن تجربة .
قوتنا مش إنترنت سريع لكل واحد .. قوتنا إننا نعذب كل واحد
سرعة النت في العالم كله عالية ..  احنا لسة نفوسنا شايلة
لسة الدنيا فيها أكتر .. ليه السرعات مش عاوزة تكتر ؟
سرعة النت في العالم كله صاروخ .. احنا جالنا وجع نافوخ
التحميل هناك بينزل في ثواني .. انتم مصممين تذلونا تاني
الصفحة بتفتح هناك في لحظة .. احنا هنا سرعاتنا في محنة
حرام عليكم بقى نشفتوا دمنا .. سرعات زبالة من قلة بختنا
سرعات الإمارات 20 ميجا .. احنا لسة على سرعة ويكا يا ويكا
يا ريتها كمان سرعات رخيصة .. خلاص نفوسنا مش عزيزة
كمان فلاشات بتفصل بدون أسباب .. طيب افتكروا إن آخرتنا في التراب
كل شوية يقول لك استخدام عادل .. طيب خليتو فينا إيه لسة فاضل ؟
لسة عايشين على أمل نزول عروض .. لما تسأل يقول لك اسكت يا نمرود
اتعودنا نرضى بفتافيت السرعات ..  لما تعليها يقول لك هات فلوس هات ؟
اتعودنا يفرضوا علينا سرعات عقيمة .. متعودين على الربط والشكيمة
كل شوية يقول سرعة الفلاشة 3 ميجا .. و هي مش محصلة واحد ميجا
كل شوية يقول إنترنت صاروخ ..  هو مش محصل نفخة في النافوخ
سبع شركات نت معذبانا كلنا .. سبع شركات ماصة فلوسنا و دمنا
بيقول لك المنافسة بينهم حامية .. هيطبخوا لنا كوسة ولا بامية ؟
بيقول لك عرض الشهر بشهرين .. يا صلاة الزين يا صلاة الزين
بيقول هيشطبو الفواتير القديمة .. طيب اللي جاية ماهي بردو عظيمة
شعارهم الإنترنت متاح للجميع .. السرعات لسة في مرحلة التسقيع
لو مش عاجبك اتصل بخدمة العملاء .. عشان يتعصبو عليك بكبرياء
كل شوية يقفلوا في وشك السكة .. يمكن كان كلامك كلام سكة
هيأجرو لك راوتر بالشهر 20 جنيه ..  ادفع انت بقى و استحمل يا بيه
عاوز نظام مفتوح ولا نظام محدود .. عاوز تسكت ولا هتكون نمرود ؟
بيقولوا إننا في عصر التكنولوجيا .. بس السرعات لسة فسيولوجيا
بيقولوا اصبرو و السرعات هتصبح عالية .. مش عارفين لغاية إمتى هتفضل غالية
السرعة في كوريا 50 ميجا .. احنا بنتكلم على 64 كيلو يا مزيكا
لو كنت فقير مش قادر تدفع .. هنديلك فتافيت سرعة لغاية ما ترفع
لو غني بتدفع زي ما احنا عايزين .. هنوفر عليك و نصبح خالصين
يقول لك اشحن كارت أبو خمسين ..  لما يطيروا يقولك السيستم في التليين
يقول لك اشحن كارت أبو مية ..  لما يضيع يبقى تعمل جمعية
يقول لك اشحن كارت أبو عشرة .. هتكسب و هتطلع في النشرة
أو اشحن كارت أبو عشرين .. يخلص أوام زي الشاطرين
لما تكلم خدمة العملا و تكون حريص .. يقول لك السيستم في التحديث
يقول لك اتصل بينا و قت تاني .. خلاص يا عم ماتبقاش أناني
يقول لك هيتم عملية تحويلك .. تلاقي الخط فصل و مين يشكيلك
يقول لك العيب مش من عندنا .. انت بصراحة مزعج و مش أدنا
الفلاشة بتفصل بدون أسباب .. يقول لك استنى لما اراجع الكتاب
علاطول يعطيك معلومات غلط .. مش مهم تخسر و تاكل طوب و زلط
مندوبة أو مندوب يتعصب عليك .. تفضل ربع ساعة بالانتظار مخليك
الهانم و البيه بيقرا بسرعة من شاشة .. مش مهم كتاب ولا حتى كراسة
و لما تكتب طلب أو شكوى .. يحذفو طلبك بدون أي نخوة
يقول لك إدي الإنترنت لأصحابه .. بس هتدفع دم قلبك و هاتبوس ترابه
ابعت شكوى لأستاذ سامي .. هيكرر عليك نفس كلامي
ابعت شكوى لأستاذ مرسي .. بس أوعى يضربك بالكرسي
ابعت إيميل لأستاذ نبيل .. بس لازم تصبر و تكون تقيل