غريب التركيز ده مع 6 ابريل بس فعلا ده عمايل حكم العسكر
وللمعلومية الهجوم على 6 ابريل ابتدأ من زمان من ايام المخلوع بس عمره مكنش بالقواره دى وهما بيدفعوا تمن كونهم من اوائل الحركات اللي نادت بالثورة في الوقت اللي كانو الاخوان مترددين ورفضو المشاركة
رسمي
وزدا الهجوم لما قالوا لا لحكم العسكر في الوقت اللي كانو الاخوان بيلعقو جزمة المجلس عشان يقدرو يوصلو للسلطة واتقالت على الشباب دول كل الحاجات الوسخه بس لانهم رافضين سيادة العسكر وسبحان الله دلوقتي حتى
الاسلاميين وعلى راسهم الاخوان المسلمين والسلفي حازم ابو اسماعيل انضمو ليهم ووقفو ضد العسكر بعد ما تأكدو من نواياهم وده بيدلك لاي درجة حس الشباب دول وطني ودائما في الاتجاه الصح لانهم ببساطة مش بيستنو
سلطة ولا عملو حزب زيهم زي غيرهم عشان يوصلو للحكم واكتفوا بانهم يفضلو زي ما هما حركة لتوجيه البوصلة
والتاريخ مش هيسجل كل الشتايم دى لكن اكيد هيسجل انو حركة شباب 6 ابريل وبيدج خالد سعيد كانوا مفجري الثورة الاوائل وانو اكتر من 20 الف منشور اتوزع في القاهرة وحدها يدعو للثورة يوم 25 يناير وزعها الشباب
دول
بالنسبة لكريم عامر فكان في بداية حياته السياسية انضم شويه ل6 ابريل وبعدين تركها اما علياء فلم تكون ابدا في يوم من الايام من اعضاء 6 ابريل والصورة اللي جايبينها دى مش اصلا علياء وانما بنت تانية مش
هاقول اسمها واسأل عليها بقى
وبعدين يعني واحد انضم شويه ل6 ابريل وسابها وطلع انو ملحد والكلام ده هل هذا بيسئ للحركة كلها؟؟ ما الحركة كمان قبل الثورة وقبل ظهور الاختلافات السياسية كان فيها شباب سلفيين زي عبدالرحمن عز ومن الاخوان
المسلمين زي محمد شوقي ويساريين زي مجدي عبدالرحمن وغيرهم.. هل هذا يعني ان الحركة اخوان عشان كان زمان فيها كام عضو اخواني او انها سلفيه او يساريه لنفس السبب؟؟ اشمعنى بقى الحركة ملحدة عشان كان فيها زمان
عضو ملحد؟؟
و6 ابريل دخلت التاريخ من اوسع ابوابه شاء من شاء وابى من ابى واتحدى حد يجيبلي اسم فصيل سياسي شارك بفعاليه في الدعوة ليوم 25 يناير اد 6 ابريل.. مش هتلاقو.. هتلاقو كمان حركات شبابية زي حملة البرادعي
وحركة عدالة وحرية وبرضه دول ما شاركوش اد 6 ابريل وعشان كده الهجوم كتير عليهم بسبب الثورة المضادة وهيفضل كتير لكن بكره بعدما تتضبط البلد ويتكتب تاريخها هتكون 6 ابريل وبيدج خالد سعيد في مقدمة مفجري
الثورة
