بسم الله الرحمن الرحيم
الرجاء من اللي يعرف رقم هيئة الأمر بالمعروف والنهي عن المنكر في جدة كتابته
حتى تعم الفائدة وكمان علشان أبغى أبلغ
وشكرا.....
تحديث للسؤال برقم 1
شكرا جزيلا ومعلومة للأخت rana89 ترى إن شاء الله تكتب كذه بفصل النون عن الشين "إن شاء الله"
وبالمناسبة لأنه عندي أكثر من شيء بأبلغ عنه شيء وهو
1- قهوة معسلات ما تقفل وقت الصلاة لأنهم عندهم مدخل خلفي مفتوح حتى وقت الصلاة والناس ريحين المسجد وشايفين الباب
2- شقة دعارة والله أعلم في حارتي سمعتها من ناس في الحارة بس شكاكك أبلغ علشان أخلص ذمتي
بس أخاف ما تكون موجودة أو مخفية فأعطل الهيئة ....
وعلى العموم
شكرا على الرابط
تحديث للسؤال برقم 2
أدري أنهم قفلوا المدخل الرئيسي بس يا طويل العمر أول شيء هال القهوة آخذه معرض المفروض مساحته ما تتعدى أظن 5X4 بس هم أخذوا كل المساحة الي جوه كأنها شقة طيب تمام ما صار شيء بس
عاملينها جنب مخرج عمارة سكنية وطبعا في حريم خاجين داخلين وأصحاب العمارة إشتكوا لأنهم كانوا يحطون كراسي عند الواجهة فكانوا يشوفوا الحريم دحين دخلوها وبعدين ضللو الباب (زي تضليل السيارات) على كل الباب
وبعدين ما زودوها الناس راحين يصلوا والمدخل الخلفي على طريق المسجد وتلاقي شباب داخلين خاجرين ومباريات والي يدخل مع لاب توب وتقعد شغالة .... بس مرة زودوها ....!!!!
وبالنسبة ل د . أحمد الشرقاوي
أوك هي إحترمت المظهر الخارجي بس لازم تطيع اللوائح والقوانين أنها تقفل وقت الصلاة علشان تقام الصلاة ولو أنها قفلت أكيد الشباب ما بيلاقوا مكان يقعدوا فيه فيرحوا يصلوا.... مع الناس مو كذه
أحسن.......
وكمان لو على كذه كانت نص البلد فتحت وقت الصلاة ....
وشكرا على تفاعلكم
تحديث للسؤال برقم 3
أبلغ على الهقوة والشقة ولكن الحمد لله تم الإنتهاء من أمر القهوة من غير ما أخبرهم .....
ولكن باقي موضوه الشقة الله يعيننا على إقفالها بإذن الله ...
وردا على الدكتور أحمد الشرقاوي... ان سبب نفور بعض الناس من الصلاة (والعياذ بالله) هو ليس سبب التضييق بل العكس لما تضيق عليهم ما راح يلاقوا محل غير الشارع ويضيق صدرهم طول اليوم (أو طول عمره والعياذ
بالله إذا كان ما يصلي) أو راح يلاقي المسجد فيتختار المسجد يصلي معزز مكرم ويفوز بالدنيا والآخرة إن شاء الله وهذه مسألة خطيرة التهاون بالصلاة وكمان مين قال صلاة العشاء 40 دقيقة كلها 15 دقيقة تقريبا
الصلاة و10 أو 15 دقيقة إنتظار الصلاة يعني كلها ما تجي 25أو30دقيقة بالكثير تقريبا تلاقي هذا الكلام في المطاعم علشان يقفلوا قبل الأذان بفترة وبعدين يعد الصلاة ياخذوا وقت علاشن يفتحوا المحلات علشان كذه
توصل لـ40 دقيقة بعض الأحيان ف.. إيش فيها تصلي بدري وتأخذ الأجر وأصلا إحنا ما خلقنا غير للعبادة وأهم شيء الصلاة المفروضة وإحنا متهاونين عليها والعياذ بالله فما بالك بالسلف الصالح الذين كانوا نتظروا
الصلاة بعد الصلاة وكانوا يقمون الليل قيام المذلل لله الضعيف فهؤلاء كسبوا الدنيا والآخرة بإذن الله وإن شاء الله نكون مثلهم...
الله يرحمنا برحمته عز و جل ويغرلنا آمين يا رب العالمين
