البلايستيشن 3:
جهاز كبير وثقيل واسود وتصميمه عبارة عن تحفة فنيه خالصة ومتطور بشكل كبير جدا ويستاهل سعره
تشغيله باللمس ,,,ايدي التحكم لاسلكية... يقبل توصيل الى 4 ايدي تحكم
يد التحكم حقته غالية لانها لاسلكية و فيها ميزة التعرف على الحركة الي تستفيد منها في بعض الالعاب الي تدعم هالميزة مثل:heavenly sword
هالميزة صعب اشرحها لكنها مهمه لانها مو موجودة في الاكس بوكس
اليد لانها لاسلكية فلازم تنشحن والشحن مرة بسيط وما تحتاج الا دقايق توصل اليد بوصلة اليو اس بي وتلعب بها ساعات
حاولوا يفكون شفرته عشان ينسخون الالعاب حقته لكن فشلوا وكلنا نعرف قصة الفشل الي حصلت وكيف سوني قدرت تتدارك القرصنه
وتغير عدسات اجهزتها الى عدسات تشغل بلوراي وبس
وبكذا قفلت الباب قدام القرصنة لفترة طويلة
لكن الهكر فاضين وما وراهم شي في النهاية راح يفكونها..
وهذي يمكن تعتبر ميزة لانك بكذا ماراح تقدر تشغل الالعاب المقرصنه وبكذا راح تحافظ على العدسة فترة اطول
وهذا الي يخلي هالجهاز ما يخرب كثير مثل الاكس بوكس
فيه بعض الالعاب حصرية على هالجهاز لكن سمعت ان احتكار الالعاب راح ينتهي بعد فترة..
طبعا تقدر تلعب اون لاين وتشتري العاب من P S Store
الي موجود اون لاين
وعلى فكرة تقدر تشبك في النت وايرليس يعني لاسلكيا
فيه سعة تخزين جيدة تقريبا 40 جيجا وفيه 60 جيجا وايضا 80 جيجا على حسب
يشغل الافلام بمختلف الصيغات والاغاني والصور
تشتري له وصله HD للي عنده شاشة تلفزيون كبيرة تدعم هالميزة الرائعه الي تعطيك دقة عالية جدا ووظوح منقطع النظير
الاكس بوكس 360:
يشبه له بشكل كبير لكن فيه شوية اختلافات
الاكس بوكس حجمه اصغر واخف وزنا لكنه برضو تصميمه روعه
سعة التخزين توصل الى 120 جيجا في الاصدار الاخير الاسود ELITE
ايدي التحكم لاسلكيه برضو وبرضو يدعم 4 لاعبين لكن شحنها هو الي يضحك
لانها عشان تنشحن لازم تشتري لها وصلة ب120 ريال تركبها في اليد من تحت عشان تقبل الشحن
وبدون هالوصلة تحتاج تركب لها بطاريات صغيره وتغيرها كل اسبوعين تقريبا حسب لعبك
وبرضو اليد مافيها ميزة التعرف على الحركة
لما تبي تدخل السي دي في الجهاز ينفتح لك باب مثل مشغل الاقراص في الكمبيوتر
بعكس البلايستيشن 3 الي تدخل السي دي والجهاز يسحبه بنفسه تلقائيا
ما يشغل الافلام من قرص صلب خارجي الا يمكن اذا شبكته بالنت وسويت له تحديث لكنه مبدئيا ما يشغل الا الافلام الدي في دي
بعكس البلايستيشن 3 الي تشبك فيه اي قرص صلب وتشغل منه غالبية الافلام بمختلف الصيغ
الاكس بوكس فيه ميزة الانجازات الي متوفرة في كل الالعاب ( يعني تحصل على نقاط متنوعه من كل لعبه تلعبها تنجمع مع بعض
وتصير رصيد كبير نهائي.... صعب اشرح هالميزة بصراحه)
المهم انها في البلايستيشن موجوده لكن في بعض الالعاب بس
ما يحتاج تشتري وصلة الHD لانها تيجي مع الجهاز
والان وصلنا لاهم ميزة في هالجهاز وهي الالعاب المقرصنه
الاكس بوكس 360 قدرو يفكون شفرته وصارت تنزل له العاب منسوخه من زمان
يعني بدل ما تدفع 250 ريال ثمن لعبه واحده في البلايستيشن3 تقدر تشتري فيها 25 لعبه في الاكس بوكس 360
لكن لازم تحط في بالك انك اذا تبغى تلعب اون لاين لازم تشتريها اصليه وغالية
لانك اذا ركبت راسك ولعبت بلعبه منسوخه.. بيصيدونك ويحطون على جهازك باند وتفقد ميزة الاون لاين..
الين تسوي له صيانه وتغير له قطع وقروشه مالها داعي
والشي الثاني ان هالالعاب تضر العدسة مع كثرة الاستخدام لذلك الاكس بوكس خراباته كثيرة
لذلك انصحك انك تنسخ اللعبه وتنزلها بالكامل على الهارد ديسك حق الجهاز واذا جيت بتلعبها تحط السيدي
ولكن ما تلعبها منه ...تلعبها من الهارد ديسك...
وبكذا تحافظ على اللعبه وعلى العدسة اكثر...
طبعا مع انهم في التحديث الجديد لبرنامج تشغيل الاكس بوكس تقدر تحمل اللعبه من السيدي على الهارد ديسك حق الجهاز الا انه
لازم يكون السيدي جوه عشان تشتغل ... يعني فعلا تشغل اللعبه وتلعبها من الهارد ديسك لكن العدسة كل ربع ساعه تشيك اذا السيدي
موجود والا لا....هم مسوين هالحركة عشان يضمنو حقهم
يعني مالها داعي واحد من الحارة يشتري السيدي وينزله على جهازه ويعطيه كل شباب الحارة
....
....
انشالله ما اكون طولت عليكم
واتمنى ان الي كان محتار اي جهاز يشتري منهم يكون الحين قدر يختار....
واعذرونا اذا فيه تقصير
