من هو وائل غنيم؟؟؟؟؟؟؟؟؟؟؟؟؟

Question

الكلام اللي كتبته جبته من الفيس بوك والصفحة اهيه
http://www.facebook.com/pages/afwd-wayl-ghnym-llthdth-basm-thwar-msr/199691716707528?v=wall
لو حضرتك مش مصدقني ادخل وشوفها
اسمها أفوض وائل غنيم للتحدث بإسم ثوار مصر

تحديث للسؤال برقم 1

آااااااااااااااااااااااااااااااااه
قولي بقى انك مشترك في الصفحة
يعني انت معترض على ايه بقى بالضبط في كلامي السابق
معترض عشان قولت ان خالد سعيد كان حشاش ولو مظلوم ومش حشاش ولا حاجة فهو بالطبع مش شهيد
ولا معترض عشان كلامي عن عدم تفويض حد عني؟

تحديث للسؤال برقم 2

سؤال ذكاء هو لو مصر طردته أو الحكومة ازاي اتمسك في المظاهرات وتم اعتقاله ولا هو دخل بطريقة خفية

تحديث للسؤال برقم 3

للمعلومة اللي ماتوا في المظاهرات مش شهداء دول في النار ولو حضرتك مش متأكد راجع في الاحاديث الشريفة اذا تقاتل شخصان فالقاتل والمقتول في النار
يعني كل اللي ماتوا دول مش شهداء دول في النار

تحديث للسؤال برقم 4

المصري الحق ياأستاذ أشرف اللي سهر الليالي بيحرس شارعه وأهله
المصري الحق اللي نزل يوم 25 ودلوقتي بيبني مصر تاني
عارفة انك بتحب مصر زيي بالضبط لكن مصر محتاجة دلوقتي أكتر من مجرد كلام وشعارات
مصر محتاجة اللي يرجع مجدها تاني
عارف كمية المباني اللي اتحرقت وخربت كل طوبة فيها مبنية بدم وعرق واحد مصري بسهولة وفي لحظة اتدمرت تقدر تقولي مين اللي هيبنيها لما احنا نقعد نتكلم
حب مصر مش كلمة أو كلام بيتقال ولا هو أغنية بنسمعها ولا فيديو أو صورة بنبكي بحرقة عليها مصر تراب ومياه وطوب ومباني وكل شبر يها محتاج عمل مش كلام

Answer 1

اقرا عنة المقاله الصحفية
فخلال تصريحات مقتضبة أدلى بها لبرنامج "العاشرة مساء" على قناة "دريم" ، بدا وائل غنيم شخصا واعيا ومثقفا ويعرف ما يريد بل ورفض أكثر من مرة أن يتم وصفه بأنه بطل من أبطال الثورة ، مشددا على أن الأبطال
الحقيقيين هم المعتصمون في الميدان .
بل وكان اللافت للانتباه أيضا أن وائل حرص في البداية على تقديم التعازي لعائلات شهداء الثورة ونفي ما رددته وسائل الإعلام الرسمية المصرية ليل نهار من أنهم يتلقون دعما من قوى خارجية ولا يحرصون على
استقرار مصر ، مشددا على أن حالته المادية جيدة وأنه كان يمكن أن يعيش حياة مستقرة في دبي ، إلا أنه سعى لأن تكون بلده في وضع أفضل مما هي عليه .
وفي تأكيد جديد على أن هؤلاء الشباب هم أشرف من أنجبت مصر ، وجه وائل نداء للمصريين جميعا بالتوقف عن تبادل الاتهامات بالخيانة والسعي فقط من أجل مصلحة مصر .
مشهد لن تنساه الذاكرة  
 
وما أن بدأت الإعلامية منى الشاذلي في عرض صور شهداء الثورة ، إلا وانهار وائل في البكاء في مشهد لن ينساه كل من شاهده ، مشددا على أن سقوط هؤلاء الشهداء ليس غلطتهم وإنما غلطة كل من يتمسك بالسلطة ، وهنا
سارع وهو في شبه حالة انهيار كامل لمغادرة الاستديو وذهبت منى الشاذلي وراءه .
وبعد لحظات ، عادت منى الشاذلي وهي في حالة تأثر شديدة لدرجة أنها حبست دموعها ، مطالبة الجميع بالكف عن إطلاق نظرية "المؤامرة" تجاه ما يحدث في ميدان التحرير .
وتابعت قائلة :" وائل الذي أبكى الجميع داخل الاستديو حزنا على شهداء الثورة هو مصري متسق مع نفسه ويعشق بلده ، وائل وشباب 25 يناير عايزين بلدنا تبقى كويسة ، يارب حد يفهم " .
ولم يقف الأمر عند ما سبق ، فقد استضافت منى الشاذلي أيضا شخصيات شهيرة شاركت في مظاهرات ميدان التحرير بينها المذيعة بالتليفزيون المصري هالة فهمي والكاتب مدحت العدل ، الأمر الذي يؤكد مرة أخرى أن
الاتهامات الموجهة للمحتجين بالخيانة ما هي سوى أكاذيب وتزييف للحقائق.
بل إن هالة فهمي وجهت انتقادا لاذعا للإعلام الرسمي المصري وشاركها الرأي أيضا مدحت العدل الذي سخر من عبارات أن المحتجين خربوا البلد ، مشددا على أن من خرب البلد اقتصاديا هم من نهبوها طيلة 30 عاما وأن
أسلوب البلطجة وتشويه الحقائق لم يعد يجدي نفعا .
وبصرف النظر عما سبق ، فإن ظهور وائل غنيم بعد حوالي أسبوع من اختفائه جاء بمثابة دليل آخر على أن ما يحدث في ميدان التحرير هو ثورة شعبية وطنية خالصة لا مجال للمزايدة عليها خاصة وأن وسائل الإعلام المصرية
حاولت خداع الجميع بأن وائل غنيم هو قائد المجموعة التي نظمت مظاهرات 25 يناير بعد أن تلقى تدريبا في أمريكا طيلة 3 سنوات على هذا الأمر ، إلا أن استمرار الاحتجاجات وخروج مظاهرات مليونية رغم اختفائه سرعان
ما دحض صحة ما سبق .

Answer 2

وائل غنيم شاب وطنى اكتر منى ومنك
الراجل دة شغال في جوجل بدبي وبيقبض بالملاين وبرغم كدة بيحب مصر ونهفسة تتصلح
ماسئلتش نتفسك لية مصر طردتة وبتطرد اللي زية من الكفائات العالية
الراجل دة نفسة يغير الظلم اللي في مصر وقلة الانظام والفساد
نفسة يبقي الشعب المصري كلة بنى ادمين

Answer 3

مدير تسويق جوجل في الشرق الاوسط

Answer 4

والشباب فوضوىة لانة وطنى وخايف على مصلحة البلد احسن منى ومنك واللي قاعدين بيطبلوا ويهللوا للنظام الفاسد
واصلا انا مشترك بالصفحة بتاعته

Answer 5

شاب مصرى بيحلم تكون بلده فى مكانها الطبيعى