نصيحه لوجه الله تعالى ما حدا يغامر ويروح عند دكتور العيون الفاشل و (فشر) ان يكون دكتور , اسمه علي الهندي او (الهنيدي) في المستشفى التخصصي الي في الشميساني
(عمان - الاردن) وله عيادة قريبة من المستشفى , عملي عملية تصحيح بصر (الليزك) من حوالي خمس سنوات راجعتة بعد اسبوع من العملية وقلت له ان نظري لم يتحسن مئة بالمئة وعمليا التحسن لم يتجاوز السبعين
بالمئة, قال لي عادي عادي, قلت ايش هو الي عادي غيري عندهم درجات الانحراف او القصر اعلى مني بدرجات ونجحت معهم من اول مرة قال طيب , راجعني بعد ست شهور احتمال تتحسن!!!! , مضت ست شهور وانا على نار ثم رجعت
عليه حيث قام بفحصي ثم قال كل شيئ تمام , قلت له كيف يعني كل اشي تمام لأ مش تمام , يادكتور لازم تعيد العملية, وبعد جدال طويل قال لي راجعني بعد ست اشهر وبقيت على هالحال اربع سنوات وانا رايح
جاي عليه غير اجرة الكشفيةالي كنت ادفعها في كل زيارة في الاخر بحكيلي لازم نعيد العملية ,حكيتله لسه بدري خلينا نستنى كمان خمس ست سنوات علشان تتأكد , انا حكيتلك من اولها تعيد العملية, حكا طيب بكرة الصبح
تعال بدري علشان اعملك العملية بس في اشي لازم تعرفو انك لازم تدفع اجرة العملية مرة ثانية , في تلك اللحظة ايقنت انه من فصيلة الحيوانات وليس البشر ,قلت له ليش ادفع مرة ثانية وهذا غلطك وعليك اصلاحه
, قال المستشفى يكون خالي المسؤولية بعد مرور عام على العملية ولا يتعرف على شيئ,قلت له علشان هيك ماطلتني اربع سنوات حسبي الله ونعم الوكيل فيك , المهم احتدم الكلام بيني وبينه ولولا لطف الله وصلت للضرب
ولكني حسبتها لو اني ضربته لصرت انا المجرم وهو الضحيه وتنقلب المعادلة ,غير اني فكرت ان اشتكي عليه ولكن للاسف القضاء في هذا البلد يموت صاحب الحق وتفنى ذريتة وحقه لم يعود بعد ,فقررت ان أفوض امري الى
الله فهو حسبي ونعم الوكيل . وعذرا على الاطالة
