بعد اغلاق السفارة السعودية في دمشق هل يجب تغيير جهة القدوم بالتأشيرة لإستكمال الاجراءات في لبنان او الاردن؟

Question

ام انه سيتم تحويل تلقائي لهذه السفارات من قبل وزارة الخارجية السعودية,ومتى؟

Answer 1

ايوااااااااااا مشان السعودين يخافو تصير موضة الاعتصامات قدام سفاراتن  ويخربوا علينا!!!!!!!! لا ما ناقصنا

Answer 2

سؤال الى الأخ رامي الله يعطيه العافيه
أنا طبيب متخرج من سوريا ولدي اقامة في السعودية، الشؤون الصحية طلبت تصديق الشهادة من السفارة السعودية بسوريا، وهلأ السفارة مسكرة، فيني صدقها من السفارة السعودية بالأردن؟؟؟
شكرا جزيلا والرجاء لمن لديه علم يتكرم بالاجابة لتعم الفائدة

Answer 3

اخي الكريم:انا شفت انو عما يفيزو لمهن عادية اوحرفية يعني متل
كهربائي او مندوب او فني.....الخ اما بالنسبة للشهادات فبعتقد انو
مافي الهن حاليا تفييز والسبب من الملحقية الثقافية السعودية بالاردن
لانو ما عما يختمو الشهادات بحجة انو لسا ما اجت التعليمات وعلى كل
الاحوال انتي عطيني شو مهنتك وانا بسالك عن هالشغلة وبردلك خبر
بهاليومين.............................. ولاحول ولاقوة الا بالله

Answer 4

السلام عليكم:
اي ما في مشكلة بس اول شي يا شباب لازم نتواصل عن طريق الاميلات. او عن طرسق الهاتف ما بدنا نطلع هيك ع عماها.
هذا مهم وبعدين نطلع ع السفارة..
ابوعبدالله

Answer 5

لاجديد حتى يوم الاحد ان شاء الله

Answer 6

نحن ياجماعة اصلا معرقلة امورنا من ورا هيك شغلات هني خيفانين من السوريين ما يعملو بلبلة
بالسعودية ومنجي نحن كمان منثبت هالشي هذا    اعتصامات وتصوير ومطالبات مشان هني
خلص تتثبت الفكرة عندون انو هالاشخاص عملو هون بالاردن بلبلة شلون عنا لكن ومعقولة ياجماعة
يفيزو لاشخاص عما يعتصمو عند السفارة مشان كل ماصارت شغلة نجي نعمل اعتصام ومنشجع غيرنا
الله يرضا عليكون ياجماعة انسو هالفكرة يعني اذا في امل 50% نفيز بهالحالة بتصير مستحيلة

Answer 7

ياجماعة الخير المشكلة انو عما تجينا معلومات من كذا مصدر من خلال
الاخوة اللي عما تتشارك هون وللاسف كل المعلومات اللي عما تجي
متناقضة لانو واحد بقلك انو جهة القدوم مابتتغير وشخص بقلك بتتغير
وشخص بقلك انو بتتغير بس بيتاكل وقت شهرين اوتلاتة او يومين ....الخ
ومصادر من السفارة بتقلك انو خلص مشكلتكون انحلت ومصادر بتقلك انو
ما عنا معلومات مشان هالكلام  مشان هيك يا جماعة انا برايي انو نستنا
للسبوع الجايي اذا صار شي صار  واذا ماصار انا برايي نبلش نقترح حلول
جديدة لانو استنينا كتير وما عاد في صبر والاوضاع كل مالها لأسوأ وعلى
كل الاحوال اللي صار معو شي جديد او عندو اقتراح لمشكلتنا سريع نرجو
انو يفيدنا ونرجو من الاخوة الذين تواصلو  معنا في السابق انو يرجعو يتوصلو
معنا  ولايقطعونا        وشكرا للجميع وعذرا على الاطالة

Answer 8

المملكة تنقل مهمات سفارتها في دمشق إلى عمّان الأسبوع المقبل < جريدة الحياة )
الاربعاء, 04 أبريل 2012
الرياض - أحمد غلاب
أكد مساعد وزير الخارجية السعودية الأمير خالد بن سعود أن سفارة خادم الحرمين الشريفين في العاصمة الأردنية (عمان)، ستبدأ من الأسبوع المقبل، في القيام بأعمال سفارة المملكة لدى سورية، بعد أن أعلنت المملكة
إغلاقها في آذار (مارس) الماضي، وإعادة جميع أعضائها إلى الرياض؛ احتجاجاً على الأعمال التي تجري بحق الشعب السوري.
وقال الأمير خالد بن سعود أمس لـ«الحياة»: «إن السفارة السعودية في عمان ستبدأ الأسبوع المقبل، بالعمل بمهمات سفارة المملكة في دمشق، لكل ما يتعلق بالجوانب القنصلية فقط، مؤكداً أن الجوانب الأخرى ستكون
معطلة». وأضاف: «وزارة الخارجية ستقوم خلال الأيام المقبلة بإرسال جزء من موظفي السفارة في دمشق إلى (عمان)، وكذلك موظفين آخرين من الوزارة، لمساعدة زملائهم في أداء العمل بكل ما يتعلق بالمراجعين، والتي
تتعلق بإصدار التأشيرات للمواطنين السعوديين، أو متابعة الرعايا السعوديين. وحول إن كانت الخارجية السعودية ستتخذ الخطوة نفسها في شأن سفارتها في أنقرة قال: «الآن هذه الخطوة في (عمان) فقط».

Answer 9

مرحبا..بعد اذنك  ممكن تعطينا رقم الشخص يلي عبغير جهة القدوم والف شكر الك
mj.369@hotmail.com‏

Answer 10

السلام عليكم:
هلاء حكيت مع السفارة مافي جديد حتى مابيعرفو شي بالمرة.