انا عندى مشكلة بجد تاعبانى ياريت تقدروا تساعدونى
انا فى 3 كلية و فى واحد زميلى بحبه و بيحبنى و مقدرش اتخيل حياتى هو مش فيها .. راجل بجد معايا و بيخاف عليا حتى من نفسه
و باذن الله المفروض قريب هنتخطب و نكمل حياتنا زى اى اتنين بيحبوا بعض
بس هو عنده عيب مضايقنى اوى و مش عارفة اتصرف ازاى
انا بطبعى مش مادية خالص و مش بتفرق معايا اى فلوس او ماديات
مع انى من اسرة متوسطة لكن عادى خالص اتربيت على ان الماديات دى بتروح و تيجى و عمرى ماشغلنى هو ماديا عامل ازاى كل اللى بيشغلنى هو نفسه و قلت بينى و بين نفسى انى مستعدة ابدأ معاه من الصفر طالما بحبه و
متاكدة انه بيحبنى و هيحافظ عليا و عمره ما هيجرحنى
بس بقيت بلاحظ انه بيعمل تصرفات خايفة اقول عليها بتقول انه ( بخيل )
مثلا ف مرة يبقى مش معاه فلوس فكة فميرضاش يفك 10 جنيه علشان يركب مواصلة ب جنيه ولا حاجة ( لو اتفكت هتطير او مش هروح بيها ! ) الموقف تافه بس بيدل على حاجة كبيرة و تخوف
مثلا ماشيين و يسألنى عايزة كذا اقوله لا يروح يجيب لنفسه لوحده ....
انا لو اعرف ان ظروفه مش تمام مثلا عمرى ماحب اتقل عليه ف اى حاجة ابدا
لكن ابقى حاسة انه طول ماهو ف ايده هيبقى عاوز يجيبلى الدنيا كله
عاوزة الفت نظره او احاول اصلح فيه دة
بس مش عايزة احرجه ولا عايزة اعمل شرخ ف علاقتى بيه
ف نفس الوقت مش عارفة دة عيب ممكن يتصلح ولا لا
و خايفة و مترددة و مش عارفة احكى لحد عشان مش عاوزة صورته تبقى مش كويسة قدام اى حد
اعمل ايه ؟؟؟؟؟
