من غير فشر كتير
المبلغ الى معاك حلو أنك تفتح محل بلى أستيشن وينفع يتعمل فى محل فى زنقه أو شارع رئيسى أو فرعى ممكن يعملك فى اليوم 200 جنيه بس مشكله أنك محتاج كل سنه أو سنتين تحدث الاجهزه بالاضافه لو فى شارع رئيسى مش
هتخلص من بتوع المصنفات الفنيه لو مزبطهمش . ملاحظه النت كافيه عصره أنتها ومكسبه بقا قليل والاستهلاك فيه كبير عشان كده البلاى ستيشن أفضل وخصوصا الالعاب الى فيها تحدى وتلاقى أتنين نزلين يتحدو بعض فى
لعبه كوره أو أستراتيجى أو أكشن . بخلاف الاطفال الى مش هيسبوك فى حالك بس لازم تصفى نيتك للخ ويكون المكان فيه تهويه وتمنع التدخين وما يكونش عامل زى الخرزه
المشروع الثانى بس لازم يكون فى شارع فيه رجل أو سوق ، محل بيع كل أنواع المنظفات وممكن أنته تركب المنظفات وتوفر على نفسك فرق السعر بس لازم تعرف التفصيل الخاصه بتركيب المنظفات وممكن تعرفها من الكتب
الموجوده فى المكتبات وغيرها بيكون فيها شرح مفصل لصناعه للكميات وسيبك من كلام النت . وطبعا الخامات متوفره فى شارع الجيش فى القاهره مصر وسعر الجمله غير سعر القطاعى
المشروع الثالث تنزل تشوفلك مكان فى زحمه وتيجى تشوفلك محل متر فى متر وتفرشلك بره على الرصيف كراسى وتعمل قهوة وشاى وشيشه لو أشتغلت بس بعد العصر ممكن تعملك فى اليوم 1000 الجنيه بس رزق مبنى على الحرام ده
لو أنتا فى القاهر أو قلب المحافظات أنما قريه صغيرة معرفش الحركه هتعمل كام المهم بس عشان تسيطر محتاج تعمل فيها بلطجى وده لازم
المشروع الرابع: بس لازم يكون شارع قريب من مدارس منشئات حكوميه وتجبلك مكاينه تصوير مستندات وكمبيوتر وطابعه وتعمل بزنس سنتر صغير ولو مش ساريع فى الكتابه تشوفلك بنت أولدأبن أصل يقعد يكتب ودول بيخدو 800
جنيه فى الشهر بتزيد بزيادت الشغل وتقف أنت على ماكينت التصوير وبيع الملافات واقلام ودوسيهات ثمن المكنه 8000 جنيه أو أكثر لاكن ممكن تأجرها من الشركه 200 جنيه فى الشهر المحل دة فى وقت الدراسه ممكن يعمل
800 جنيه فى اليوم وممكن يعمل 100 فى اليوم لو بعيد عن مدارس مؤسسات حكوميه بنوك وغيره أنا بديلك الافرج والرزق على الله يأما قليله 100 يا أما كثيره 800 فأكثر فى اليوم
المشروع الخامس لو مش فارقه معاك الوقفه تشوفلك محل فى سوق أو شارع رئيسى وتنزل لمزارع اللبن تجيب اللبن تعمل منه زبادى وتبيع باقى اللبن ولمه بتوع المزارع يعرفوك هما هيجولك كل صبح من الساعه 6 حتى السابع
صباحا بتعمل ساعت الصبح شويه زبادى وبيتباعو مين فينا ما بيكولش زبادى أو ما بيشربش لبن وطبعا لو فيه شويه لبن ما تبعوش بتيجى قبل ما تقفل الساعه تسعه تحول الباقى لى لبن لان للبن مابيستحملش يقعد كزا يوم
طبعا المزارع بتبعلك الكيلو 4 جنيه
مشروع سادس بردو محل فى سوق أو شارع رئيسى وتنزل تتفق مع مزارع الدواجن وتجيب منهم البيض الابيض والبلدى وتبيعه دة شئ بردو من الضروريات فى البيت كل يوم والضروريات لمحلات الحلوة وهالك فيه مش كثير اللهم أن
البيض ممكن يفسد لو قعد يومين فى الشمس
المشروع السابع وسيط عقارى ولازم تكون ملم بالمنطقه وتبتدى تسوق لنفسك وعملك عن طريق الانترنت أو الدعايه أو تيجى على مبنى بيتبنى جديد وتتفق مع صحبه على أنك هتسوق مقابل نسبه وده مشروع ناجح وملهوش خسائر
بس أنت بتاجر بسلعه لا تملكها وعشان تحلل فلوسها لا تتغاله فى ثمن الشئ ما دام صاحب العقار لم يبلغك بأرتفاع الثمن واذا كنت تعرف المكان ده فيه عيوب واجب عليك تبلغ المشترى أو المؤجر به حتى لاتقع فى
التظليل ويكون المال مال حرام قد يعود عليك بالمرض والهلاك فى الدنيا .
المهم بالمبلغ الى معاك يمشيك تجارى كبدايه لاكن لا يصلح لمشروع صناعى أو زراعى أو حتى تربيه دواجن سيبك من الى بيلت وخد المفيد وفى النهايه لو معاك ضعف المبلغ ده حطه مقدم تكسى ابيض يمشى بالغاز يوم ما
هتصرف غاز فى اليوم تعملها 17 جنيه لاكن دخله قليله 300 كثيره 500 فى اليوم بس أسمك ماشى وبالك مرتاح ومفيش زهق طول ما العربيه الى معاك جديده هتقلى الزحام هقلك كان زمان لان الوقت الى بتقضيه
فى الوقفه على حساب الزبون مش حسابك أنته
أتمنا لكه التوفيق
