واحد بيحب مبارك كتب عالفيس كدا وانا رديت عليه بكدا بس الغريب انى مش عارف هو ليه مش مقتنع مع ان كلامه نفسه غلط......
بيقول : مليون طظ في ثورة اهانت زعيم مصر
رديت وقولت:زعيم مصر عمل مصر وشعبها تركه يورثها إبنه من بعده..وزور
رأى شعبه كله عشان حزبه ودخل الاستثمار الاجنبى ياكل فى خير بلدنا
بيقول : مليون طظ في ثورة اهانت رمز مصر والعرب
رديت وقولت : رمز مصر والعرب صدر الغاز لإسرائيل تحليلا وتفصيلا ومنع الفلسطنين من المرور اثناء ذبحهم كالحيوانات وهد الانفاق عليهم واتحفز على القوافل الطبيه يعنى (ساعد الكلاب اليهود فى تدنيس
الاقصى)
بيقول : مليون طظ في ثورة انجبت لنا كفاية و6 ابليس وامثالهم
رديت وقولت : الثوره خرجت من شباب مقهور مش لاقى شغل وتعبان واللى متجوز حياته مش كويسه ومش عارف يعيش واللى لاقى الاتنين مش لاقى الاحترام لنفسه وبلده وأى كان الحركات السياسه فهى لم تشترك يوما فى التزوير
او نهب املاك شعب مصر لذلك هم احسن من المخلوع واعوانه
بيقول : مليون طظ في ثورة اخرجت الكلاب من مخابئها
رديت وقولت : الرئيس مبارك مؤدب وعلم أولاده الادب فاتكلم بأدب ولو حصل فدا العادى انه يحصل ما الكلاب بتخرج اما تلاقى الامان يبقى معنى كدا انه كان فى كبت وقهر وذل ومهانه
بيقول : مليون طظ في ثورة ضيعت هيبة وزارة الداخلية والشرطه
رديت وقلت : انت اكيد م الشرطه لأنك لو مننا كنت عرفت ازاى تبقى ماشى فالشارع وتلاقى امين شرطه (دبلوم)بيشدك من قفاك وانت طالب جامعى مثقف بحكم تعليمك ويضربك ويسبك بإمك يبقى احنا نحترمه لكن هو يلطش فينا
ما احنا ولاد الخدامه.0..وبعدين معروف أن الشرطه من افسد ناس فمصر من حيث الرشوه والكرامه والتعليم
بيقول : مليون طظ في ثورة اغلقت مجلس الوزراء للعب الكرة
رديت وقولت : على فكره ياكابتن لعب الكوره مش حرام شرعا واحداث مجلس الوزراء بيتحقق فيها ولسا منعرفش ايه السبب ومحدش فالتحقيقات جاب سيرة الكوره
بيقول : مليون طظ في ثورة اوقفت حال اكبر ميادين مصر
رديت وقولت : شؤالك تافه اوى ومنتش لاقى حاجه تقولها حكومة شرف قعدت تسع شهور نايمه واخرتنا اكتر فلازم نضغط ننزل التحرير عشان يشتغلوا
بيقول : مليون طظ في ثورة اصابت اقتصاد امة بالشلل
رديت وقولت : هههههههههه امال عصر مبارك كان ايه زهد ورخاء فى عصر المخلوع اتحولنا من دوله ناميه لدوله متخلفه وبقينا من ضمن 60دوله اكتر تخلف فالعالم والمرض انتشر واللحمه الناس بقت بتسمع اسمها بس
والاسعار ارتفعت بطريقه غبيه وفرض ضرائب وبيدلوا مرتب ميأكلش عيش حاف وكتير بس مش هطول لانه اسباب معروف
بيقول : مليون طظ في ثورة تدعو لحرق مصر
ومبارك بقى اما كان بيقتل فى 2008 اثناء ثورة المحله والناس اللى فالمعتقلات اللى كان بيقتلهم بعد العذاب واللى فالسجون والمتسولين وعبارة السلام اللى صاحب غادر مصر علنا كل كل دا مكنش حرق مصر
بيقول : مليون طظ في ثورة البانجو والمخدرات ودعارة التحرير
رديت وقولت : دعارة ايه انت اهبل دا مكان مفتوح والعالم كله شايفك وبعدين لما احنا دعاره امال كان صفوت الشريف ايه والمخدرات اللى كانت ماليه جيب الظباط والعساكر ونسبة الادمان الفظيعه فى عصر المخلوع
بيقول : مليون طظ في ثورة تم تمويلها من الغرب
رديت وقولت : برده سؤال تافه اوى غرب ايه يابنى هو حد كان موالى للغرب فى المنطقه أد مبارك والسعوديه دول اللى مبوظين العرب بولاءهم للغرب دا مبارك قفل القنوات الدينينه بسبب اعتراض الغرب على ذكر
اسرائيل
بيقول : مليون طظ في ثورة جعلت امريكا تتحكم وتضع شروطا علينا
رديت وقولت :فضلى ثانيه واشتمك دا امريكا فى عصر مبارك كانت مطلع عين ابونا داحنا يابنى كنا بالنسبه ليهم عبيد اتفرج دلوقتى والله الفخر للمصريين اما تطلع هيلارى كلينتون تقول نعترض على سحل بنات مصر ويرد
المصريين فى لافتات التحرير (ياكلينتون انتى مال اهلك بنات مصر يعرفوا يحموا نفسهم كويس) يبقى احنا بتوع امريكا مش بقولك تعبان
بيقول : مليون طظ في ثورة رموزها امثال وائل غنيم واسماء محفوظ الخ
رديت وقولت : لو دول نفترض انهم وحشين لحد دلوقتى مقلوش حاجه غلط ولا أخطأوا فى اسم مصر ولا ضروا البلد بل بالعكس فوقونا
بيقول : مليون طظ في ثورة جعلتنا بأيدينا ندمر بلادنا
رديت وقولت : وبلدنا بعد تجارة رجال الاعمال لارضنا وخصخصة العام كله لمصريين وغير مصريين ونهب اموال الدول وانتشار الاميه بنسبة 40% والمرض والفقر والرشوه والموت بالقتل الحى كل دا كان رخاء
بيقول : مليون طظ في ثورة شهداء ليسوا بشهداء
رديت وقولت : مش احنا اللى نقول شهداء ولا مش شهداء احنا احتسبناهم شهداء عن الله جل وعلا لانهم ماتوا فى سبيل قضية بلدهم وكان نفسهم يحطوا حد للظلم اللى مصر فيه ويحاربوا الفساد ماتوا بقضيه انت عايش اهو
ايه قضيتك ياهايف
