معني قبطي مصري في اللغه القديمه
معني كلمة قبطي التي تتداول في المجتمع المصري علي
أنها تعني مسيحي
بص معايا بقا يا سيدي
كلمة قبطي معنها بالانجليزي ايجيبت والكلمة دي كانت بتطلق
علي سكان أرض مصر عند دخول الاسكندر الاكبر لمصر قبل الميلاد
يعني قبل الديانة المسيحية وقبل المسيح ما حتي يتولد
يبقي ازاي قبط
اللي هي ايجيبت يبقي معاناها مسيحي ؟؟؟ بالعقل كده ؟؟؟
كلمة قبط كانت تطلق علي ارض مصر وقبطي علي سكان ارض مصر
اللي هي بالانجليزي
egypt and egyption
خلاص يا سيدي .. يعني كلمة قبطي لا علاقة لها بالديانة المسيحية نهائيا … وهو الخطأ الذي يقع فيه كل المصريين حاليا الا من رحم ربي
معايا لحد هنا … يبقي اتفقنا ان كلمة قبط اللي هي مصر وكلمة
قبطي اللي هي مصري وكلمة اقباط اللي هيا مصريين
كلمة مصر وقبط بقا جت منين ؟؟؟
اقولك …. مصر وقبط دي جت من اسم اولاد سيدنا نوح اللي هما
حسب المورخ العربي ابن خلدون يذكر أنّ القبط تنسب إلى
قبطيم بن مصرايم بن كوش بن حام بن نوح عليه السلام
دي كانت معلومة خفيفة علشان تعرف الفرق بين القبطي
والمسيحي لانه لا توجد في العالم كله مذهب او دين اسمة القبطي
والكنيسة القبطة اللي في مصر معنها الكنيسة المصرية
هتلاقي الكنيسة دي موجودة في القاهرة يعني خليك فاهم وعارف
ان القبطية معناها المصرية … ماشي ياسيدي
ولازم تتمسح كلمة الاخوة الاقباط اللي كل المصريين المسلمين
بيقولوها علطول لان المسلم والمسيحي اسمه قبطي يعني مصري
في النهاية اعرف انت مصري اذن انت قبطي .
