نجمة سيناء لمن لا يعرف ارفع وسام في القوات المسلحة ويمنح لابطال اكتوبر فقط ..
ومكون من طبقتين اولي وثانية .. ويحصل صاحبها علي مزايا عينية ومادية ..
هل تعلم ان مبارك اللي عمالين يضخموا فيه وخلوه بطل اكتوبر الاوحد لم يحصل علي وسام نجمة سيناء ولم يمنحها له السادات مطلقا !!
حقيقة لا يعرفها احد ! ولا اعرف لماذا المهللين له لم يسألوا عن ذلك !
ده ببساطة لان دور مبارك (كان فعلا مهم وجيد )ولكنه لا يقارن بادوار البعض اللي قدوا تضحيات وبطولات مذهلة اكثر منه ..
الاعلام المنافق علي مدار 30 عاما طمس هؤلاء .. ولم يترك لنا الا الضربة الجوية فقط اللي اخذت اكثر من حقها !!
هل قرا احد عن الشهيد ابراهيم الرفاعي ؟ او سعد الدين الشاذلي اوالمشير أحمد إسماعيل او اللواءأحمد حمدي عبد الحميد حمدي او اللواء شفيق مترى سدراك .. للأسف لا
ولكن هل كانت خسة وانتهازية مبارك توقفت عند هذا الحد ؟؟ لا
شوفوا الفضيحة العلنية الموثقة بالمصادر :
حسني مبارك حصل علي وسام نجمة سيناء من الطبقة الاولي عام 1983 اي بعد توليه رئاسة الجمهورية .. وقام بتقليده القائد العام للقوات المسلحة ووزير الدفاع وقتها المشير محمد عبد الحليم أبو غزالة
وهذا طبعا مخالف للاعراف العسكرية حيث ان الالقاب تمنح من الاعلي الي الادني وليس العكس .. وحسني مبارك وقتها كان يشغل منصب القائد الاعلي للقوات المسلحة ..
مع العلم بانه قبلها بعام واحد وتحديدا في ابريل 1982 منح مبارك الفريق اول ابو غزال رتبة مشير ( ما تفسير ذلك ) !!
ومالا يعرفه الكثيرون هو ان مبارك نزع وسام نجمة سيناء من الفريق سعد الدين الشاذلي عام 1983 رغم ان السادات منحها له بعد الحرب !! ولم تعاد له الا بعد وفاته عام 2011
اريد رد من هؤلاء المخدوعين المغييبن بحب بالمخلوع والتمجيد له باشياء لا يستحقها !!
بعد ان تتأكد من صحة كلامي ارجوا نشره في المنتديات والفيس بوك والشبكات الاجتماعية حتي يعرف الناس الحقيقة ويفيقوا من الوهم ..
تحديث للسؤال برقم 1
علي الفيس بوك واحد قاللي طالما هو قدم الكثير للوطن ليه ما يخدهاش ..
معاك حق .. الرئيس حسني مبارك بصفته القائد الاعلي للقوات المسلحة شاف ان الفريق محمد حسني مبارك يستحق وسام نجمة سيناء ومن الطبقة الاولي كمان !!
عمرك شفت واحد بيقيم نفسه وبيدي الجائزة لنفسه !!
تحديث للسؤال برقم 2
يا ابو فهد انا ا اقصد انه سرقها من سعد الدين الشاذلي .. انا قصدي انه اعطي لنفسه نجمة سيناء !!
وسحب الوسام منه عام 1992 ..
يعني من الاخر شخص اناني و انتهازي وليس بطلا للحرب !!
تحديث للسؤال برقم 3
تم عرض هذا السؤال في صفحة ( انا اسف يا ريس ) ومفيش دكر فيهم قدر يفتح بقه !
فالحين بس في التهليل للمخلوع وخلاص !!
تحديث للسؤال برقم 4
ابن الاسلام :
يا متخلف هو انا شتمته وات جيت جنب جنابه بشيء ؟؟
انا بتكم في حقائق وتقدر تتأكد بنفسك منها ..
لو ما عنكش رد او مش قادر ترد قول ما عنديش رد واتلهي اقعد ساكت .. بلاش تأوح وتجادل وخلاص حتي في الباطل ..
ايه علاقة ان شخص انتهازي بيدي وسام لروحه بكرامة مصر ؟؟ شخص حاسس بعقدة نقص وادي الجائزة لروحه ..
تسميها ايه دي يا محترم ؟؟
لو كان السادات اللي عينة نائب شاف انه بطل حقيقي كان اداله الوسام ..
ياريت بعد الحقيقة دي تختشوا علي دمكوا وتبطوا التهليل بتاع
تحديث للسؤال برقم 5
======================================================================
برضه كالعادة الناس بتقاوح وتقول مبارك عمل ومبارك سوي ... يا سادة النجمة دي خاصة بحرب اكتوبر ..
مالنا احنا بقي ومال ام انجازاته اللي بعد كدة ؟؟
تحديث للسؤال برقم 6
======================================================
@ مبارك الطيار
تحديث للسؤال برقم 7
@ مبارك الطيار
هو كلامي ده له علاقة بحب او كره فلان او علان ؟ حبي ا كرهي للمخلوع ده لا علاقة له بما اتكلم عنه !!
انا جايب حقائق مؤكدة تقدر تتأكد منها بنفسك .. وجريمة مكتملة الاركان ..
وكل ده لازم يكون رد فعله شيئين لا ثالث لهما :
1- ان تقتنع ان مبارك دوره عادي في الحرب وليس (بطل ابطال ) حرب اكتوبر العظيم ! وتقتنع ايضا ان مبارك ده انتهازي واناني واستغل منصبه ليكرم نفسه بوسام رفيع مثل هذا ! واللي يؤكد هذا بدقه هو سحب نجمة سيناء
من احد ابطال حرب اكتوبر ..
والسادات نفسه اللي ادانه كرمه واعطاه وسام نجمة سيناء من الطبقة الاولي .. وده تفسيره واضح لا يقبل النقاش
2- انك تسكت وما تتكلمش وتتجاهل هذه الحقائق وتظل محبا ومدفعا عن هذا الشخص ..
وفي الحالة دي تعرف من قراراة نفسك انك شخص بتقف بجوار الباطل وساكت عن الحق
الجدال ليس له اي مبرر ولا يوجد اي دليل يبريء المدعو مبارك من جريمته هذا ابدا !!
الا اذا اخترع الة الزمن و رجع 28 سنة ويرفض انه ياخذ هذا الوسام من الاساس
تحديث للسؤال برقم 8
================================================================
================================================================
مر اسبوع يعني وما شفتش راي الجماعة بتوع تكريم الرئيس واحنا اسفين يا زفت
دلوقتي انخرستوا ؟؟
عموما انا حسيب السؤال مفتوح .. والناس الي بتعمل تبليغ نقبهم حيطلع علي شونة
انا محتفظ بنسخة من اللي كتبته ولو اتحذف السؤال ده انا حنشره في 30 منتدي علي الاقل
