الكلية الفنية العسكرية افضل كلية في الشرق الاوسط و هي افضل مكان للدراسة في العالم و ان شخصيا ان شاء الله ناوي اني ادخلها
التقديم فى الكلية الفنية العسكرية بيتم على عدة مراحل وهى ؛
اولا سحب الملف
حضرتك بتروح الكلية الحربية تسحب الملف ب60 جنية مصرى وبتتصور هناك مرتين مرة للجسم كلة على مسطرة وانت واقف وقفة عسكرية لوجهك الجميل وبتم العملية دى على مسافة ساعتين تقريبا ولازم تاخد معاك قلم وتكون
حالق شعرك وسوالفك وإلا هتحلق هناك فى الشارع وبعشرة جنية ولازم تكون لابس جزمة او كوتش
ثانيا ملء الملف
فى مرحلتين من التقديم
--اولا المرحلة الاولى--
بتكتب بعض بيانتك وبينات العائلة الكريمة ولو مفيش مكان بنكتب لا يكن وانت بتسحب الملف اصلا فى ناس وانت مستنى الصور بيقولولك على كل حاجة ركز معاهم اوى وخلى بالك بيطلب منك:
أ-صورة لشهادة الثانوية العامة وتكون وش وظهر ومختومة صورة طبق الاصل من المدرسة
ب-مستند القيد العائلى ب 11 جنية
وبياخد وقت10 ايام يعنى لازم تكون عاملة قبل ما تسحب الملف هو بيتعمل فى العباسية ولازم تروح بدرى جدا
علشان بيبقى موت يجى حوالى 300 واحد والاوراق المطلوبة له هي اصل و صورة كل من:
1-البطاقة الشخصية الخاصة بك
2-قسيمة الجواز الخاصة بوالديك(مميكنة علشام تكون علي شبكة الداخلية)
3-شهادة ميلاد والبطاقة الشخصية و الرقم القومي الخاص بالام(مميكنة علشام تكون علي شبكة الداخلية)
4-شهادة ميلاد والبطاقة الشخصية و الرقم القومي الخاص بالاب(مميكنة علشام تكون علي شبكة الداخلية)
5- شهادات ميلاد أخواتك كلهم(مميكنة علشام تكون علي شبكة الداخلية)
6-شهادة الثانوية العامة و الصورة تكون وش و ظهر و مختومة من المدرسة
7- أستمارتين للقيد العائلي من البوستة ومتنساش الدمغات وخصوصا طابع الشرطة وقيمته (جنيه واحد عشان مترجعش كل شويه لطابور طوييييييييييييل جداااا)
--ثانيا المرحلة الثانية--
دى اربع ورقات بتقدمها بعد نجاحك فى الكشف الرياضى او الطبى ومعاه بعض الاوراق يعني مش دلوقت
ثالثا تقديم الملف
بيكون تقديم الملف فى بولبة الاستاد بتاع الكلية الحربية وهناك بيقسموكم على حسب المجموع فى الثانوية العامة وبيقيس الطول والوزن علشان تعرف و تحاول تظبط الطول مع الوزن واللى طوله اقل من 168 بيحول الى
لجنة الجوية هو واللى جايب اقل من65%
وبتمتحن اول امتحان امتحان القدرات ودة عبارة عن 100 سؤال
بتجواب عنهم فى 10 دقائق فقط وبتكون اسئلة فى التاريخ والعلوم والجغرافيا واسئلة شخصية
-_اختبارات القبول بالكليات العسكرية المصرية_-
أولا اختبار السمات الشخصية
1-يهدف اختبار السمات الشخصية إلى الوقوف عل قدرة الطالب على التكيف مع الحياة العسكرية وأن رغبته هذه ليست نتيجة ضغوط معينة عذا بالإضافة إلى قياس تناسب شخصية الطالب مع متطلبات الحياة العسكرية وكيفية
التصرف في المواقف المختلفة .
2-يتم اختبار الطالب في نفس يوم تقديمه طلب الإلتحاق على أن يكون مع الطالب الأدوات الكتابية للإختبار .
3-تعلن نتيجة هذا الإختبار بمقر مكتب التنسيق وعلى الطالب معرفة توقيت الكشف الطبي الموضح أعلى الكشف المدون به إسمه حيث أن توقيتات الكشف الطبي ليست واحدة لجميع الطلبة .
ومن هذه الأسئلة ما يلي:
• لماذا تقدمت للكليات العسكرية؟
• هل تحب أن تكون زعيم؟
• هل تخاف من يوم القيامة؟
• هل تفضل الجلوس بمفردك؟
• هل تهتم بكلام الناس عليك؟
• هل تخاف من المرتفعات؟
• هل تخاف عندما تدخل على أشخاص لا تعرفهم للمرة الأولى؟
• هل تقدمت للكليات العسكرية برغبتك؟
وبعد ما بتمتحن
بيقولك على ميعاد النتيجة وبتكون من البوابة اللى انت سحبت منها الملف وهناك بيقولك تيجى ازاى فى الكشف الطبى اللى ناجح طبعا ولازم تروح الكشف صايم هو هيقول كدة لكن انت هتروح صايم فى اليوم اللى بعد الاول
علشان التحاليل وتكون هناك الساعة 6
_-_-_-_-_-_-_-_-_-_-_-_-_
ثانياً اختبار المستوى الطبي
1-يهدف الأختبار الطبي إلى تحديد اللياقة الطبية للطالب ليكون مبدئياً لائقا طبياً كطالب بإحدى الكليات والمعاهد العسكرية. (كلية حربية-كلية بحرية-كلية جوية-كلية فنية عسكرية-كلية دفاع جوي-المعهد
الفني).
2-يقوم بهذا الأختبار لجنة طبية تشكل لهذا الغرض ويكون قرارها نهائياً ولا يعتد بأي قرارات خارجية ، كما يتم الأختبار بمقار اللجان الطبية وفي المستشفيات التي يتم الإعلان عنها.
3-يتم أختبار المستوى الطبي للطالب في جميع التخصصات الطبية وفقا للمستوى المعمول به في داخل القوات المسلحة والمستويات الطبية المطلوبة لكل كلية والمستويات المطلوبة لكل فئة أو تخصص ويجب تواجد بطاقتك
الشخصية معك أثناء الكشف الطبي .
4-ترشح اللجنة الطبية من تطبق عليه شروط الترشيح للكشف في الكلية الجوية لأستكمال الكشف في المجلس الطبي الجوي.
5-يتم إخطارك بنتيجة الكشف الطبي فور إعتمادها من رئيس اللجنة الطبية كتابة ومعها يحدد موعد اختبار اللياقة البدنية الذي يكون في اليوم التالي غالباً.
نصائح وتوجيهات طبية
اللياقة الطبية لمصلحتك حيث أن من لا يستطيع تحقيق المستوى المطلوب للقبول بالكليات والمعاهد العسكرية لا يستطيع الإستمرار في الكلية لذلك:
1-دون الإقرار الطبي بأمانة .
2-تجنب الحصول على أية دواء يغير من صفتك الطبية أو نتائج التحاليل .
3-تأكد من نظافة الأذن ويجب غسلها عند الطبيب قبل توقيع الكشف الطبي عليك .
4-إفصح عن الأمراض أو العمليات الجراحية التي أجريتها في أية مرحلة من حياتك قبل الكشف الطبي وذلك لعرضك على اللجنة المختصة .
5- الطالب الذي يحق له الكشف بالنظارة عليه أن يتأكد من أن مقياس النظارة سليم ومناسب له .
6-لا يعتد بأي كشوفات أو تحاليل أو تقارير طبية بخلاف ما تصدره اللجنة الطبية العسكرية .
يستغرق الكشف الطبي يومان في الغالب ما لم يقرر غير ذلك.
اليوم الأول(اسنان، نفسية، القوام، جراحة، انف واذن وحنجرة، عظام، رمد، باطنة، اشعة، جلدية)
كشف الاسنان؛
الكشف دة مش عاوز تعريف هو بس بيشوف الاسنان مظبوتة ولا و احذر من السنان المكسورة
كشف النفسية؛
بيطلب منك النطق ببعض العبارت علشان يشوف عندك حرف ضايع ولا لأ
كشف القوام؛
الكشف دة عن ظبط الطول مع الوزن وانت بتخش على اله موصلة بحاسب الى بتقيس الطول مع الوزن
كشف الجراحة؛
طبعا انت فى الكشوفات دى كلها بتكون بقطعة واحدة بس هى الشورت الابيض السبعة فى الكشف دة بتخلع القطعة دي علشان يشوفوا لو فية شرخ شرجي او عملية بواسير
كشف الانف والاذن والحنجرة؛
لازم تكون رايح الكشف دة غاسل اذنك واحد يقولى اغسلها بالمية والصابون فى البيت
لا يا فالح الغسيل دة بيكون عند دكتور علشان بنظف الاذن من الشمع علشان الدكتور يقدر يشوف داخل الاذن
كشف العظام؛
دة بيشوف شكل الجسم وبعض الحالات مثل الفلات فوت,التقوس,الالتصاق الناتج عن التقوس,الخ..واحيانا بيطلب منك عمل عقلة
وعلى فكرة الكشف دة بيخرج منة اكثر من 60%من الناس اللى طالعة طبى علشان كده تابع مع دكتور عظام قبل الاختبارات
كشف الرمد وعمى الالوان؛
نبدا بعمى الالوان بيعرض عليك كذا صورة وتقول الرقم اللى فيها
بعد كدة كشف الرمد انت طبعا عارف اللوحة اللى عليها دوائر مفتوحة
كشف الاشعة على الصدر؛
دة كشف على الرئة وطبعا المدخنين ينسوا الكليات دي من اصلوا
كشف الجلدية؛
بيتم عرضك على الدكتور وبيشوف اذا كان عندك اى جرح(تبت عليها كويس اوي) او مرض جلدى
كشف الباطنة؛
ويشمل عضلة القلب وضغط الدم
والدكتور بيفضل يزغزك وخلاص
اليوم الثاني(كشف المعمل، قاع العين, رسم القلب، موجات صوتية)
كشف المعمل؛
بياخد منك عينة دم وعينة بول
كشف قاع العين؛
انت بتاخد قطرة من محلول معين بيخليك متشوفش فى النور دة علشان بيوسع انسان العين
علشان الدكتور يقدريشوف اللى داخل العين ودة بردة من اصعب الكشوفات ولازم متحطش القطرة دى قبل ما تمتحن رمد علشان القطرة دى بتاثر على الرؤية علشان كده خلوة بعد اختبار الرمد
كشف الموجات الصوتية؛
الكشف دة على الكلى بالموجات فوق الصوتية
كشف رسم القلب؛
مش محتاج شرح طبعا
طيب انا لو سقطت فى كشف اعمل اية, هو بيعرض على دكتور تانى فى عيادة تانية اجبارى ومن حقك وفى نفس اليوم بس تكون رايح بدرى ولو سقطت لا قدر الله يبقى ليك التماس ب20 جنية اختيارى هوبعد ما بتسقط بيعطيك ورقة
لو عايز تعمل التماس وبعدها فى اى وقت بعد اليوم اللى انت فية تروح تقدم الورقة والعشرين جنية
و بتاخد ميعاد جديد وبيكون ده في نفس الشباك اللى بياخد فية البصمة بتاعتك فى الاول
_-_-_-_-_-_-_-_-_-_-_-_-_
ثالثاً الاختبارات الرياضية و قفزة الثقة
1-عند إجتيازك لإختبار المستوى الطبي يحدد لك ميعاد إختبارات الثقة والسباحة واللياقة البدنية التي تكون في الغالب بعد إنتهاء الكشف الطبي وعليك الحضور في ذلك اليوم تمام السابعة صباحاً ومعك الملابس
الرياضية و لباس البحر .
2-سيتم إعطائك رقم رياضي تتعامل به أثناء تأديتك لإختبارات الثقة والس
