ازاى البنت تخلى الولد يحبها و يتقدملها ويبطل تقل عليها؟

Question

سلام عليكم ورحمة الله وبركاته....
عندى سؤال يا ريت تفيدونى و تجاوبونى عليه...
انا بنت بيقولوا عليا امورة و مؤدبة و من عيلة كويسة يعنى بنت ناس اوى و فى كلية من كليات القمة.. فى شخص ساكن معايا فى العمارة اعجبت بيه جدا و كنت فاكرة انه هو كمان كدة..لأنه كان بيبصلى اووووى و كان
بيعمل مواقف كتير تبين ان فى حاجة من ناحيته ليا.... الكلام دة كان و انا عندى ١٤ او ١٥ سنة بس هو عمره ماكلمنى كان بس بيقول صباح الخير و ازيك وكدة...المهم انى فضلت معجبة بيه جدا لحد مابقى عندى ٢١ سنة و
انا لسة حاسة انى فى حاجة غريبة انا كنت كل ماروح فى حتة اشوفه صدفة و كمان كنت بحلم انه بيكلمنى.... مش عارفة ليه كنت مهووسة بيه رغم انى كان بيتقدملى ناس كتييييييييير جدا... بس نفسى اعرف ليه هو اللى فضل
معلق فى دماغى كدة مش عارفة هى حاجة من عند ربنا.... بعدين جبت نمرته وفضلت معايا سنتين... بعدين كلمته كان نفسى بس اعرف ايميله قلتله اسم غير اسمى الحقيقى و كان نفسى بس اتكلم معاه حتى لو بشخصية وهمية
عشان بس اكون قريبة منه بأى طريقة...المهم باختصار هو عرف فى الاخر انا مين عرف شخصيتى الحقيقية و انا قلتله انى بقالى 6 سنين عندى فضول اتعرف عليه ...بس هو كان مبينلى انه مبسوط اوووووى اننا بنتكلم
 وقالى انه سأل البواب عليا قبل كدة من باب الفضول مش اكتر...الفكرة بقى انى محتارة فى الموضوع دة لأنه فيه عيوب و مميزات...العيوب: انه اول كام يوم كان بيتصل بيا كل يوم بعدين فجأة قطع خاااااااااالص
كلمنى بعدها ب ١٠ ايام و بعدين بقى بيتقل عليا اوووووى يعنى ممكن يتصل مرة كل اسبوع او ١٠ ايام اجى ابعتله مسج ميردش عليا و حتى فى راس السنة مبعتليش قالى كل سنة و انتى طيبة الا لما شافنى صدفة بعدها لقيته
بعت مسج و ممكن ميكلمنيش الا لما يشوفنى بالصدفة بعدها بيتصل عليا....المميزات: انه ف كل مكالمة بيقعد يقولى كلام انى جميلة اووووى وانى كلاسى اوى و انه مبسوط انه بيكلمنى و انى حاجة مميزة اووووى بالنسباله
و انى بالنسباله ١٠٠% و بقى يقولى وحشتينى و كمان بيقول كلام غريب اللى هو عايز لما اشوفك ابص فى عنيكى جامدلمدة ٨ ثوانى...(مش عارفة ليه ٨ ثوانى)....و كل شوية يقولى انتى طيبة وملكيش خبرة و انا مش عايزك
تتجرحى و انتى بيور اوووى و قلبك طيب اووووى ...و انا بفضل ساكتة مش برد بعدين لما قلى انتى حاجة مميزة بالنسبالى قلتله مممممممم طيب هصدقك قام قالى لااا متصدقيش اقوال الرجال صدقى الافعال بس....فأنا
دلوقتى مش فاهمة حاجة... هو مفهمنى اننا اصدقاء لكن بيقول كلام مينفعش يكون بين اصدقاء...بس انا نفسى هو كمان يحبنى و يجى يتقدملى عشان مش هقبل بالوضع دة كتير...مش عارفة اعمل ايه...انا قررت اتقل عليه...
هو من كام يوم اتصل بس انا مردتش عليه بس هو متصلش من ساعتها...و انا مش عارفة اعمل ايه؟؟ هل اكلمه ولا اتقل احسن؟؟؟ و ازاى اخليه يحبنى؟؟ اكيد فى طريقة تعامل تخلى الولد يحب البنت....و ارجوكوا يا جماعة
انا زى اختكوا بلاش تجريح انا عارفة انى غلطت لما كلمته...عمرى ماكنت اتخيل ان اخلاقى تسمحلى اعمل حاجة زى كدة... انا فضلت كام يوم منهارة انى كلمته و مش مصدقة انه عرف انا مين... بس خلاص اللى حصل حصل و دة
حب بقاله ٦ سنين فى قلبى... تخيلوا واحد قدامى على طول و كمان لما بروح اى مكان بشوفه بالصدفة لا وكمان بحلم انه بيكلمنى او بيتقدملى....فكنت خلاص وصلت لمرحلة اكتئاب ...يا ريت مكنش طولت
عليكوا...ميرسى

تحديث للسؤال برقم 1

فين الردووود؟

Answer 1

شوفي انا هارد عليكي عشان عندي بنات
وكلنا مرينا بالمرحلة دي.....
نصيحة أم...اعقلي وتوجهي الي الله وسيبك من الحب والكلام ده وحطي فبالك انك جوهرة ثمينة عند اهلك واللي عايز الجوهرة دي هيدخل من الباب وبس.....
وانتي دكتورة وكلك صفات حلوة..ركزي في مستقبلك ومهنتك...
ولايجوز شرعا التحدث في التليفون مع شباب فهذه خلوة غير شرعية
وما عند الله لاينال الا بطاعته..لومكتوبلك الارتباط بيه  هيخبط علي بابك

Answer 2

والله ياحبيبتي لو هو عيزك بنسبة 0,1% كان بين كده لكن الواضح أنك مش في تفكيره أصلاً
ولما يكلمك بس يقضي وقت الفراغ اللي عنده بيتسلى يعني
بعدين الله غني عن حب بيذل يشيخه وأطلبي من الله يرزقك أبن الحلال إللى يسعدك ويهنيك
عسى أن تكرهوا شيء وهو خيراً لكم وعسى أن تحبو شيء وهو شرا لكم
بالتوفيق أن شاء الله
ودمتم ,,

Answer 3

كل دا ههههههههههههه
قل كيف البنت تخلى الولد الى بيحبها لا يحبها ؟
دى اصعب  بكثير

Answer 4

سيبك منه دىدماغه فاضيه وحضرته عايز يشغلها بحاجه

Answer 5

ازبليه

Answer 6

في الأول كان معجب بيكي بعد كدة استهيفك من تصرفاتك

Answer 7

المشكله دلوقتى
انك فى كل الى قولتيه ده مقولتيش ان انتى اعترفتيله بحبك ده
هو انتى عايزه تعرف هو بيحبك ولا لا منغير ماتقوليله ؟؟!!
معنديش مانع ان انتى بنت ناس ، ومعنديش مانع كمان ان انتى محترمه
بس الحب الحقيقى لما يجى لازم يخرج للنور مش يفضل فى الضلمه
قوليله وشوفيه هايرد عليكى يقولك ايه
ويمكن هو فعلا عايزك تبقى صديقه ليه
بس بيلعب على وتر الكلام الى بيرضى غرور المرأه عشان عارف ان انتى بنت محترمه مش هتقبلى بالوضع ده وعلاقتك بيه يااما هاتبقى حب وجواز يااما لا
حكايتك فيها كلام كتير مقدرش اجمعهولك هنا
بس الى انصحك بيه دلوقتى انك تعترفيله انك بتحبيه
وتابعى مدونتى يمكن تستفيدى منها بحاجه
ولو ليكى ايميل على الفيس بوك ممكن تدخلى على جروب
الحب الصادق ( انت تسأل ونحن نجيب ) وانا متأكد انه هايفيدك
اصله بتاعى

Answer 8

ياقمر العيب منك من الاول
انتى مدلوقه عليه
دلقه سودا
والشباب مش بيحبوا البنت اللى كده
نفضيله شويه او تنفضيله خالص

Answer 9

يالهويي كل ده سؤال
هجيب النظارة واقراها ثوانى بقى

Answer 10

هو ده سؤال ولا قصيده      (طبيعه الشباب يحب البنت الثقيله عليه) ليه لان لزم يعرف انك غاليه مش وقعه او مش مدلوقه *لو حس لحظه انك وقعه او مدلوقه
مش هيسال عليكى ولا حتى هيبصلك حتى لو انتى حلو وده الواضح انك حلوه* رجعى سؤالك انتى بتقولى اول ما انتى بعتيله رسائل او رنات بقى مش مبيسئل عليكى لانه حس انك مدلوقه او وقعه وكده هيبدا يدوخك معه ^نصيحه
حولى انك متسئليش عليه ^ هو نفسه هيستغرب و هيبدا يتصل ويكلمك  اتقلى عليه   !  يارب اكون اعجبتك  بااااى