شباب كل اذواقكم حلوه لكن الي يختار افضل مسلسل يقول عن ايش يتكلم ..
lost : طبعا هو المفضل لي . والي يقول بايخ ماعنده سالفه لانك مافهمته . طالعه مره وثانيه وثالثه وهو الي لين الحين مافي مسلسل جا زيه ترا على فكره وهذا مو كلامي ..
prison break : صراحه مسلسل قمة الروووعه بجد يعني . قصته هي الهروب من السجن والعقل المدبر هو البطل الي يحاول يطلع اخوه من السجن . مسلسل انصحكم فيه بجد ..
heroes : مسلسل يحبه الكثير لكن انا ما عجبني صراحه . طالعت اول جزء وبعدين تركته . احس مدري كيف . الخيال زايد فيه بقووه يعني . هو عباره عن ناس خارقين فقط ..
The Walking Dead : من احلا المسلسلات الحديثه عندي . حمااااس وخوف واكشن في نفس الوقت . تحس ناس تهرب من الزومبي ولا تعرف وين تروح واخر شي استقرو وتبدا تسير مشاكل . جميل جدا صراحه ..
24 : مسلسل كل جزء يحكي قصه . انا تابعته لين الجزء 5 . كلها كانت ممتازه وقصصها حلوه . اتوقع الكل يعرف 24 . وصل لين 8 اجزاء مما يدل انه ناجح . قصته رجل في ال FBI يلاحق المجرمين . وزي ما قلت كل جزء يحكي
قصه ..
dexter : هذا المسلسل اكثر ما بيعجبك فيه هو الولد الي اسمه ديكستر . شخصيته وكلامه واسلوبه غامض . طبعا هو بحد ذاته مجرم . ويشتغل بالشرطه في قسم فحص الجثث الميته بعد الحادثه . يعني يروح مكان الحادث
ويشرح لهم كيف سار ووو .. واي احد يعترض طريقه يذبحه بطريقته الشخصيه ..
CSI: Miami : جدا رائع هذا المسلسل . له 10 اجزاء من الاكشن و الجريمه . طبعا csi هذا قسم بالشرطه مختص بالجريمه . هو جدا صراحه المسلسل هذا والي يبغا الاكشن و الحماس مع الجريمه انصحه بهذا المسلسل . انا
متاكد انك كل ما بتطالع حلقه بتشغل الي بعدها عشان تعرف ايش سار ..
game of thrones : كنت اعتقد انه مسلسل بايخ . لكن لمن طالعته حبيته مره . الشخصيات و استايل الفلم قريب من فلم ملك الخواتم . الي هو lord of the ring .. القصه فيها خيانه وو . والي احلا من كذا فيه شي غامض
بالمسلسل . فيه وحوش الى الحين مو عارف من وين ولا يجيبون لها لقطات كثير مما يخليك تتحمس اكثر ..
هذا الي اعرفه صراحه واسف اني طولت عليكم
