بدون مبالغة منتخبنا فى كل ماتش بيخلينا نثق فيه وفى امكانياته العالية وبياكد ان منتخبنا ميقفش على لاعب اوحتى 5 لعيبه زى اللى حاصل دلوقت
تحديث للسؤال برقم 1
شكرا يا اخت كريمة على روحك العالية
ولكن اختلف معك فى نقطة الاداء واحراز الاهداف
بالنسبة للاداء منتخب مصر نازل الماتش وعارف هو عايز ايه وعارف كمان ان الكاميرون متحمسين بشكل غير طبيعى بسبب الهزيمتين الاخيرتين وكمان اخراجهم من كاس العالم 2006 وظهر ده فى تصريحاتهم ( ثأر - معركة-
قتال ) وظهر فى الملعب فى البداية فى اللعب العنيف وفاولات كتير عليهم وكان لازم منتخب مصر يمتص حماسهم وده حصل لكنهم جابو هدف بالخطأ فينا وهنا ظهرت الخبرة واختلف ادائنا نوعا ما والجول جه من
تسديده ممتازة مشهور بيها احمد حسن
الشوط التانى كنا هنخلص على الماتش لو سجلنا هدف واحد من اربع فرص ضاعت فى اول 5 دقايق بس مكنش فيه نصيب والكاميرون بعدها ضغطت جامد لكنه امتلاك كوره بدون فاعليه يعنى بيشوطو اى كلام وركنيات كتير عالفاضى
مع انهم اطول من لعيبة مصر بكتير دفاعنا كان مميز
ونزول حسام غالى وجدو غيرو شوية الوضع مع استمرار الضغط علينا
اما الشوط الاضافى الاول كان الاستغلال الامثل للفرص وهنا الكلام عن طريقة احراز الاهداف بالضغط على المدافعين واجبارهم على الغلط ومتابعة انصاف الفرص جدو عمل متابعة اكتر من ممتازة وحط الكورة روعة بين رجل
الحارس وعلى فكرة الفيفا اختار الهدف ده افضل هدف فى دور التمانية
صحيح الهدف التالت مش صحيح لكن جه فى وقته حطم معنويات لعبى الكاميرون تماما و خلاهم يحسو فعلا ان مصر كعبها عالى عليهم وانتهى الماتش فعليا بعد الهدف التالت
