بص يا سيدى من كتر الفراغ اللى عند المصريين اتفقوا ع حوار بضين كده
يقعدوا يبعتوا لبعض ارقام وكل واحد يقول رايه فى التانى .... يعنى مثلا
انا ابعتلك رقم 11 واقولك نزله فى بوست وقول رأيك عنى ... وانت كذلك
تبعتلى رقمك فى رساله وانزله فى بوست واقولك رايى فيك بمنتها الافوره
والفشخ والمدح والحب والاحساس والتقوى وكل حاجه حلوه بتيجى فى
البوست ده ساعتها ....المعضله والمشكله بقى ان المفروض الحوار ده
معمول بأرقام عشان الخصوصيه والسكريت وان انا اقول راييى فيك واانت
تقول رايك فيا من غير ما حد يعرف انا بتكلم عن مين وكده غير اللى قايل
الرقم واللى بيكتبله الفشخه بقى الكبيره ان مافيش ولا بوست اتكتب لحد
دلوقت الا واللى باعت رقمه ده يدخل يعمل كومنت ويقوله حبيبى اغالى
يا اعز الناس يا ابو العيال يابن خالتى يابن والد الخ الخ الخ .... يعنى الحوار
معمول بارقام عشان محدش يعرف وبدل ما اعمل منشن للشخص ده واقعد
امدح فيه والناس تعرفه ...يقوموا هما داخلين يعملوا كومنتات ابو ام الغباوه
ع المسا ..... المفيد والحلو من الموضوع ده ايه والى نستنتجه ان شعبك
ده هلاس فشخ وبيحبب الظيطه زى عنيه وبدل ياحبه عين امه ما يستفيدله
بحاجه نضيفه يقراله كتاب يسمعله حاجه تنمى فكره اى حاجه تفيد امه
يحب يقعد يظيط ويهلس فى جو جميل من المجاملات والمدح فى خمسين
بوست >> وصلت :)
